जय नेपाल फाउन्डेसनले स्मार्ट सिटी सम्बन्धी दोस्रो वेबिनारको आयोजना गर्दै

अमेरिका, २६ मार्च। जय नेपाल इन्टरनेशनल फाउनडेशनले “स्मार्ट सिटी: विश्वव्यापी परिप्रेक्ष्यबाट स्थानीय अभ्याससम्म” दोस्रो वेबिनार अप्रिल ६ तारिखमा गर्न लागेको छ । पहिलो चरणको कार्यक्रम संस्थाले मार्च २, २०२४ मा आयोजना गरिसकेको छ। बिश्वब्यापीरुपमा स्मार्ट सिटीको अवधारणा आएको अवस्थामा कसरी नेपाललाई समेत यस तर्फ लाग्न सहयोग पुर्‍याउन सकिन्छ भन्ने उद्देश्यले कार्यक्रम गर्न लागेको छ।
कार्यक्रममा डा. देशराज संयोक र हरिकृष्ण न्यौपानेले आफ्नो पेपर प्रस्तुत गर्नुहुनेछ भने एकराज अधिकारी, डा. अम्बिका अधिकारी, उपेन्द्र यादव र विमला राई पेनालिस्टको रुपमा रहनु भएको छ। कार्यक्रमलाई डा. नीरज श्रेष्ठले संचालन गर्नेछन् भने जय नेपाल फाउनडेशन नेपालका अध्यक्ष बद्री अर्यालले नेपालका स्थानीय निकायसँग समन्वय गर्नेछन्।
विश्वभर छरिएर रहेका र नेपालमा भएका विज्ञको छलफल तथा सहकार्यबाट नेपालको विकासमा टेवा पुर्‍याउने उद्देश्यले जय नेपाल इन्टरनेशनल फाउनडेशनका अध्यक्ष डा. यादव पण्डितले संयोजनको कार्य गरिरहनु भएको छ। भूकम्प प्रभावित क्षेत्रको रूपमा रहेको नेपालमा भूकम्प सम्बन्धी जानकारी दिने उद्देश्यसाथ संस्थाले गत महिनामा एक कार्यक्रम सम्पन्न गरिसकेको छ। कार्यक्रमले स्मार्ट सिटीको जानकारी दिँदै यस तर्फ ठोस पाइला चाल्न सहयोग पुर्‍याउने विश्वास लिगिएको छ।

कार्यक्रमको विवरण- अमेरिका समय
मिति:- अप्रिल ०६, २०२४ (शनिवार)
समय :- बिहान १०.१५ बजे न्युयोर्क समय
बिहान ९.१५ बजे टेक्सस समय
बिहान ७.१५ बजे क्यालिफोर्निया समय
नेपाली समय
अप्रिल ६, २०२४ शनिवार साँझ ८.०० बजे

कार्यक्रममा सहभागी हुनको लागि तलको जुम लिङ्क प्रयोग गर्नुपर्नेछ ।
Meeting ID: 92162161103
Passcode: 2024