लस एन्जल्स, २५ मार्च/ लस एन्जल्स आसपास बस्ने नेपालीहरुद्वारा स्थापित पहिलो लायन्स क्लबको चार्टर कार्यक्रम आज सम्पन्न भएको छ । विश्वव्यापी सामाजिक संस्था अन्तर्राष्ट्रिय लाइन्स क्लबको क्यालिफोर्निया स्टेट डिस्ट्रिक ४-एल३ अन्तर्गत “लस एन्जल्स हिमालयन लाइन्स क्लब’को स्थापना भएको हो ।
आफ्नो मन्तब्यको क्रममा डिस्ट्रिक्ट ४ सी ३ का गभर्नर राजेन थापाले नेपालीहरुलाई अमेरिकी मूल प्रवाहमा समावेश हुनको लागि यसले सहयोग पुर्याउने बताए । उद्घाटन कार्यक्रममा श्रीपशुपतिनाथ फाउनडेशनका अध्यक्ष तथा सिटि अफ आर्टेसियाका प्लानिंग कमिस्नर भक्त थापाले सफलताको शुभकामना प्रदान गरेका थिए ।
नवगठित लाइन्स कार्यसमितिको सभापतिमा सूर्य प्रसाई, प्रथम उपसभापति मदन पाठक, द्वित्तीय उपसभापति डोल्मा लामा, सचिव देवी नेपाल, कोषाध्यक्ष रोशनी ढुंगाना घिमिरे, टेल ट्वीस्टर शंकर राज वाग्ले, लायन टमेर शिब ढकाल, सदस्यता संयोजक नवीन पोखरेल, सदस्यहरू चन्द्र शिवाकोटी, राजेन्द्र शिवाकोटी, रेख उप्रेती, यम थापा, तुलसा लम्साल कोइराला, सिता उप्रेती र मिरा गौतम रहेका छन् । यस क्लबमा कार्यसमितिका सदस्य सहित २५ जना चार्टर सदस्य रहेका छन् ।
प्रतिक्रिया लेख्नुहोस्:-