काठमाडौं । नेपाल उद्योग वाणिज्य महासंघका नवनिर्वाचित अध्यक्ष चन्द्रप्रसाद ढकालले निजी क्षेत्रप्रति जनताको धारणालाई सकारात्मक बनाउने प्रतिवद्धता ब्यक्त गरेका छन्।
उनले बिहीवार महासंघको अध्यक्षको शपथग्रहण गरेवपछ यस्तो बताएका हुन् । उनले आफ्नो कार्यकालमा मुख्य ५ कामलाई पाथमिकतामा राखेर काम गर्ने प्रतिबद्धता जनाए।
उनले जिल्ला नगरबाट आएको यस्ता मागहरु तत्काल समाधान गर्ने पनि बताए। उनले पछिल्लो समय कोरोना महामारीलगायत अन्य बाह्य कारणले गुमेको रोजगारी बढाउन, राज्यको नीति व्यवसायीमैत्री बनाउन पहल गर्ने बताए।
उनले महासंघमा नेतृत्वलाई गाली गर्नुभन्दा पनि सबैबीच सहकार्य गर्न आवश्यक रहेको बताए। अध्यक्ष ढकालले वैदेशिक लगानी ल्याउन नीति सुधार गर्न पहल गर्ने प्रतिबद्धता जनाए। उनले महासंघको आफ्नो कार्यकालमा केही न केही सुधार गर्ने बताए। उनले चुनावसम्म पक्ष–विपक्ष भएपनि अब सबै एक भएर महासंघलाई सुुधार गर्ने बताए।
प्रतिक्रिया लेख्नुहोस्:-