स्यानफ्रान्सिस्को
बे एरियामा चेन रेष्टुरेण्टको रुपमा संचालनमा आएको ‘गुर्खा किचेन’को नयाँ शाखा स्यान रमनमा विस्तार गरिएको छ । ‘गुर्खा किचेन’ रेष्टुरेण्टको स्यान रमन सिटीका मेयर डेभ हड्सनले गत विहिवार औपचारिक रुपमा रिवन काटेर उद्घाटन गरेका थिए ।
सन् २०१९ मा सन्निभेलवाट शुरु भएको ‘गुर्खा किचेन’ले छोटो समयमा पाएको ब्यावसायिक सफलता नै शाखा विस्तारको जग भएको संचालक नारायण खनालले बताए ।
डियाब्लो भ्याली प्लाजको २४७५ स्यान रमन बुलेभआर्डमा रहेको उक्त रेष्टुरेण्टले पूर्ण रुपमा नेपाली तथा इण्डियन खानाका विभिन्न स्वादिष्ट परिकारहरुलाई मेनुमा समावेश गरेको छ भने खानाको डेलिभरी र क्याटरको सर्भिसको ब्यवस्था पनि गरेको छ । स्यान रमनमा संचालनमा ल्याइएको सो रेष्टुरेण्टले संचालनमा आएको केही समयमा नै लोकप्रियता पाएको बताइएको छ ।
संचालक नारायण खनालका अनुसार स्यानहोजेमा थप शाखा विस्तारको कार्य भइरहेको छ ।
प्रतिक्रिया लेख्नुहोस्:-