काठमाडौँ, २ वैशाख / नेपाल खेलकुद पत्रकार मञ्चले सगरमाथा आरोहणको तयारीमा रहेकी प्रथम महिला पत्रकार टोलीकी सदस्य प्रियालक्ष्मी कार्कीलाई आर्थिक सहयोग गरेको छ ।
मञ्चद्वारा आज यहाँ आयोजित कार्यक्रममा मञ्चका अध्यक्ष महेश आचार्यले न्युज २४ टेलिभिजनमा कार्यरत खेल पत्रकार कार्कीलाई मञ्चका सदस्य र अन्य विभिन्न खेल संस्था एवं खेल पदाधिकारीबाट संकलित रकम रु एक लाखको चेक हस्तान्तरण गर्नुभयो ।
मञ्चका अध्यक्ष आचार्यले कार्की र उनको टोलीलाई सफल आरोहणको शुभकामना प्रदान गर्नुभयो । खेल पत्रकार कार्कीले सबैको शुभकामनाले आफूलाई हौसला बढाएको बताउनुभयो । रासस
प्रतिक्रिया लेख्नुहोस्:-