उत्तम धमला
अमेरिका । सनिसगरमाथा समाजले नेपाली नयाँ वर्ष २०७९ को अवसरमा आज पिकनिक कार्यक्रम गर्दै छ । आज अर्थात् अप्रिल १६ तारिक सनिबार बिहान साढे १० बजे बिहानबाट सनिभेलको बे ल्याण्ड्स पार्क 999 Caribbean Dr मा नयाँ वर्षको उपलक्षमा पिकनिक कार्यक्रम गर्न गइरहेको हो । पिकनिकको सबै तयारी पुरा भएको आयोजकहरूले जनाएका छन् । आयोजक समितिका संयोजक उत्तम शर्माका अनुसार कार्यक्रममा १५०० भन्दा बढीको सहभागिता रहने अपेक्षा गरिएको छ।
सन्नि सगरमाथा समाजले नेपाली चाड पर्वको अवसरमा सधैँ जसो कुनै न कुनै कार्यक्रम गर्दै आएकोमा कोभिड १९ का कारण विगत २ वर्षदेखी पिकनिक लगायतका कार्यक्रम हुन सकेका थिएनन्। “लामो समय पछि सन्नी सगरमाथाले पिकनिक आयोजना गरेकोले पनि विगतमा भन्दा धेरै सहभागिता रहने अनुमान छ” , समाजका संस्थापक अध्यक्ष ईश्वर सापकोटाले बताए।
पिकनिकका लागी ६५ वर्ष माथिका ज्येष्ठ नागरिक र १० वर्ष मुनिका बालबालिकाहरूलाई प्रवेश निःशुल्क गरिएको छ भने २१ वर्ष मुनिकालाई २० डलर र २१ देखी ६५ वर्षकालाई ३० डलर प्रवेश शुल्क लाग्नेछ। सान् फ्रान्सिस्को बे एरिया आसपास बसोबास गर्नुहुने सबैलाई कार्यक्रममा सहभागिताका लागी सन्नी सगरमाथा समाजका अध्यक्ष सन्तोष गिरीले आव्हान गरेका छन्।
प्रतिक्रिया लेख्नुहोस्:-