अमेरिका २० अप्रिल ।
एनआरएनए अमेरिकाको सन् २०१९–२१ का लागि पशुपति पाण्डेले महासचिवमा उम्मेदवारी दाखिला गरेका छन् । पाण्डे भन्छन् “प्रवासमा बसोबास गर्ने नेपालीहरूका लागी एनआरएनएद्वारा नेपाल तथा नेपालीहरू बिच जोडिन पाउनु गौरवको कुरा हो । यसलाई प्रभावकारी, पारदर्शी र परिणाम मुखी संस्था बनाउन महासचिवमा उम्मेदवारी दिएको हुँ ।”
पाण्डे जन्मभूमिको भूगोल भन्दा बाहिर बसेका नेपालीहरूलाई नेपालको हित, विकास, र समुन्नतिमा जोड्ने गैर आवासीय नेपाली सङ्घ (एनआरएनए) मात्र एउटा संस्था हो भन्ने मान्यताका साथ यसमा जोडिएको बताउछन्। करिब २५ वर्ष देखि जन्म भूमि नेपाल र कर्म भूमि अमेरिकामा विभिन्न सङ्घ संस्थामा आबद्ध भएर सामाजिक कार्यमा सहभागी हुँदै आइरहेका छन् पशुपति पाण्डेय । साथै सन् २०१० देखि एनआरएनए सँग आबद्ध रही सन २०१४ देखि एन सी सी तथा आई सी सी को टास्कफोर्समा बसेर सक्रियरुपमा काम गर्दै आइरहेका छन् ।
यसलाई थप गति र उचाइ दिँदै संस्थाको लक्ष र उद्देश्य अनुरूपको आकृतिमा ल्याउन सवैजनाको सिप र दक्षता यसमा जोडिनु आवश्यक छ भन्ने पाण्डेको सार्वजनिक अभिव्यक्ति रहेको छ । पशुपति पाण्डेले महासचिवको उम्मेदवारीसँगै ६ बुँदे प्रतिबद्धता सार्वजनिक गरेका छन्
प्रतिक्रिया लेख्नुहोस्:-