अमेरिका । एनआरएनए एनसीसी अमेरिकाको आसन्न निर्वाचनका लागि मंगलबार साँझसम्म ४ सय तीस जना भन्दा बढिको उम्मेदवारी दर्ता भएको छ । कोषाध्यक्ष बन्धु पोखरेलका अनुसार उम्मेदवारी दर्ता शुल्क बापत दूई दिन मै एनआरएनए अमेरिकाको कोषमा १ लाख ७० हजार डलर भन्दा बढि रकम जम्मा भएको छ ।
अध्यक्षमा पाँच जना, बरिष्ठ उपाध्यक्षमा ३ महासचिवमा ४ जना सचिवमा ३ जना, कोषाध्यक्षमा २ जना सहकोषाध्यक्षमा ३ जनाले उम्मेदवारी दाखिला गरेका छन् ।
त्यस्तै महिला सचिबमा २ जना, महिला संयोजकमा २ जना युवा संयोजकमा २ जना र बोर्डअफ डाइरेक्टरमा ३० जना भन्दा बढिको उम्मेदवारी दाखिला भइसकेको छ । अमेरिकाका बिभिन्न राज्य च्याप्टरमा समेत गरी करिव चार सय ३० जनाको उम्मेदवारी परिसकेको छ ।
निर्वाचनका लागि उम्मेदवारी दाखिला गर्ने निर्धारित समय सकिन केही घण्टा बाकी रहदा हिजो साँझ वेवसाइटमा समस्याका आएको थियो । निर्वाचन आयोगले वेबसाइटको समस्या हल भइसकेको र हिजो प्राविधिक कारणले उम्मेदवारी दाखिला गर्न छुटेकाहरुले आज अर्थात बुधबार साझ ५ देखि ९ बजे सम्ममा उम्मेदवारी दाखिला गर्न पाउने ब्यबस्था मिलाएको जनाएको छ ।
अध्यक्षमा डाक्टर अर्जुन बन्जाडे, बुद्धि सुबेदी, कृष्ण लामिछाने, तिलक केसी, र सूर्य लम्सालको उम्मेदवारी परेको छ । त्यस्तै बरिष्ठ उपाध्यक्षमा बन्जाडे समुहले चित्रा केसीलाई अगाडि ल्याएको छ । बुद्धि सुवेदी समुहबाट बी आर लामा, कृष्ण लामिछाने समुहबाट कृष्णजीवी पन्तको उम्मेदवारी परेको छ । त्यस्तै महासचिवमा बन्जाडे समुहले नृपेन्द्र धिताललाई अगाडि ल्याएको छ । बुद्धि सुवेदी समुहबाट अन्जन चौलागाई , कृष्ण लामिछाने समुहबाट बिनोद भट्ट र तिलक के सी समुहबाट नवराज सुबेदीको उम्मेदवारी परेको छ ।
त्यस्तै सचिवमा बन्जाडे समुहले नारायण पोखरेल, बुद्धि सुवेदी समुहबाट अनुप खनाल कृष्ण लामिछाने समुहबाट द्रोण गौतमको उम्मेदवारी परेको छ ।
कोषाध्यक्षमा राजीव श्रेष्ठ र सतेन्द्र साहले उम्मेदवारी दिएका छन् ।
अध्यक्षका उम्मेदवार सूर्य लम्सालले भने यसपटक समुह बनाएको देखिएको छैन ।
बुधबार साँझ चार घण्टाका लागि बढाएको समयमा धेरै पदमा उम्मेदवारी थपिने संभाबना छ ।
प्रतिक्रिया लेख्नुहोस्:-