मे ५ मा प्रकाश सपुत साँझ

स्यानहोजे । विगत लामो समयदेखि बे एरियामा म्यूजिकल कार्यक्रम गर्दै आइरहेको प्रोजेक्ट इन्टरटेण्टमेण्ट एलएलसीले आगामी मे ५ शुक्रवार चर्चित गायकहरु प्रकाश सपुत र हेमन्त शर्मा सम्मिलित एक म्यूजिकल सांझ “प्रकाश सपुत लाइभ इन बे एरिया”को आयोजना गर्दैछ । सो सांगीतिक कार्यक्रममा बे एरियाका स्थानीय कलाकारहरु पनि सहभागी हुने बताइएको छ । कार्यक्रम स्यानहोजेको ६१० कोलमेन एभेन्यूमा हुनेछ ।
प्रोजेक्ट इन्टरटेनमेण्टका संयोजक एवं आयोजक हरि ओझाले दिएको जानकारी अनुसार कार्यक्रममा बे एरियाका अलावा स्याक्रामेण्टो, स्यान्तारोजा लगायतका स्थानहरुवाट पनि उल्लेख्य रुपमा नेपालीहरुको जमघट हुनेछ । “यो नितान्त सांगीतिक र मनोरन्जनको लागि आयोजना गरिएको कार्यक्रम हो, सबैले आएर मनोरन्जन लिन सक्नुहुनेछ”, ओझाले भने । कार्यक्रममा १ हजार सहभागीको अपेक्षा गरिएको र सबैतिरवाट राम्रो रेस्पोन्स आएको बताउदै ओझाले भने -“गायक प्रकाश  सपुत को नयाँ गीतले बनाएको रेकर्डले धेरै दर्शकलाई तान्ने छ” ।
उनका अनुसार सो सांगेतिक कार्यक्रममा कलाकारहरु  मुना थापामगर, साजन बोहोरा, कृष्ण बुढाथोकी र डिजे एसवावु चौधरीले आफ्नो प्रस्तुती दिनेछन् भने अर्जुन केसी अफिसियल फोटोग्राफर चयन गरिएका छन् ।
सो सांगेतिक कार्यक्रमको साधारणको टिकटको लागि ३० डलर र भिआपीको लागि ५० डलर निर्धारण गरिएको हरि ओझाले बताएका छन् सो कार्यक्रमको टिकट https://thingsnepali.com/event/642358907a3ffc30aa402b0 मा गएर किन्न सकिने छ । कार्यक्रमका स्यान्ताक्लाराकी भाइस मेयर केभिन पार्कले पनि आफू नेपाली कन्सर्ट हेर्न आतुर रहेको जानकारी आयोजकलाई गराएका छन् ।