अमेरिका । एनआरएनए अमेरिकाको २०२१–२३ का लागि हुन गइरहेको निर्वाचनमा अध्यक्षका प्रत्यासी बुद्धि सुवेदी र सुवेदीसँग सहकार्य गरिरहेको समुहले नेपाल र नेपालीलाई कोरोनाको महामारीमा राहत उपलब्ध गराउन तत्काल १० हजार डलर सहयोग गर्ने भएको छ । एनआरएनए एनसीसी अमेरिकाको गोफण्ड मार्फत सहयोग गर्ने सुबेदी र उनको सहयोगी समुहले ६ मे २०२१ मा जारी बिज्ञप्तिमा उल्लेख छ ।
जारी विज्ञप्तिमा बुद्धि सुवेदीको नेतृत्वमा भएको बिस्तृत बैठकले कोभिड १९ को महामारीले उत्पन्न गरेको विषम परिस्थितिमा नेपाल र नेपालीका लागि प्रवासी नेपालीहरुको तर्फबाट के–कसरी सहयोग पुर्याउन सकिन्छ भनि छलफल भएको उल्लेख छ । अमेरिकी सरकार र मातहातका निकायसँग पहँुच बढाउदै सहयोग मैत्री बाताबरण बनाउने साथै तत्काल गोफण्ड मार्फत सहयोग गर्ने निर्णय भएको विज्ञप्तिमा छ ।
बैठकले अमेरिकाका रकेट बैज्ञानिक तथा कोषाध्यक्ष पदका उम्मेदवार राजिब श्रेष्ठ र डाक्टर प्रकाश श्रेष्ठलाई अध्ययन गरि आवश्यक काम गर्न जिम्मेवारी सुम्पिएको छ । साथै अमेरिकाका बिभिन्न बिश्व विद्यालयमा अध्यनरत नेपाली विद्यार्थीहरुसँग अन्तरक्रिया गरी सहयोग जुटाउने र नेपालमा सहयोग गर्ने बिषयमा कार्ययोजना तर्जुमा गर्न सचिव पदका प्रत्यासी अनुप खनाललाई जिम्मेवारी दिइएको उल्लेख छ ।
प्रतिक्रिया लेख्नुहोस्:-