काठमाडौं ।नक्कली भुटानी शरणार्थी प्रकरणमा पक्राउ परेको सचिव टेकनारायण पाण्डेलाई थप ७ दिन थुनामा राख्न जिल्ला अदालत काठमाडौंले अनुमति दिएको छ ।
उपराष्ट्रपति कार्यालयमा कार्यरत उनलाई जिल्ला प्रहरी परिसर काठमाडौंको टोलीले वैशाख २० गते पक्राउ गरेको थियो ।
तत्कालीन गृहसचिव रहेका पाण्डे नेपालीलाई भुटानी शरणार्थी बनाइ अमेरिका पठाउने गिरोहमा संलग्न रहेको भन्दै प्रहरीले पक्राउ गरेको हो ।
यसै सिलसिलामा तत्कालीन गृहमन्त्री रामबहादुर थापा ‘बादल’ का सुरक्षा सल्लाहकार इन्द्रजीत राईलाई पक्राउ गरेर अनुसन्धान गरिरहेको छ । यही प्रकरणमा पक्राउ पूर्जी जारी भएपछि तत्कालीन मन्त्री टोपबहादुर रायामाझी भने हाल सम्पर्कविहीन छन् ।त्यस्तै, तत्कालीन गृहमन्त्री बालकृष्ण खाण र पूर्वप्रधानमन्त्री पत्नी आर्जु राणाको पनि नाम मुछिएको छ ।
प्रतिक्रिया लेख्नुहोस्:-