न्युयोर्क । एनआरएनए अमेरिकाको २०२१–२३ को निर्वाचनमा अध्यक्षका प्रत्यासी डाक्टर अर्जुन बन्जाडे र उनको समुहले शनिवार न्युयोर्कमा मानिसहरुको राम्रो उपस्थितिमा चुनावी भेलाको आयोजना गर्यो । डाक्टर बन्जाडे समुहको चुनावी अभियानको यो सबै भन्दा ठुलो कार्यक्रम हो ।
कार्यक्रमलाई एनआरएनए अमेरिकाका पूर्व अध्यक्ष खगेन्द्र जी सी, जनसंपर्क समितिका अध्यक्ष आनन्द बिष्ठ लगायत थुप्रै नेता र अभियान्ताहरुले संवोधन गरेका थिए । अध्यक्ष बिष्टले यस अघिको एनआरएनए अमेरिकाको निर्वाचनमा अध्यक्षका प्रतिस्पर्धी मिलाउने क्रममा डाक्टर बन्जाडेलाई बरिष्ठ उपाध्यक्षमा बस्न आग्रह गरेका कारण यसपटक अध्यक्षका लागि समर्थन गरेको बताए । एनआरएनए अमेरिकाका पूर्व अध्यक्ष खगेन्द्र जी सीले अध्यक्षको दौडमा रहेको उम्मेदवार मध्ये बन्जाडे सबै भन्दा अनुभवि र प्रतिवद्ध भएका कारण समर्थन गरेको उल्लेख गरे ।
कार्यक्रमलाई संबोधन गर्दै अध्यक्षका उम्मेदवार डाक्टर बन्जाडेले अध्यक्षमा निर्वाचित भएमा नेपाल सरकार साथै अमेरिकी सरकारका सरोकारवाला निकाय र अमेरिकामा रहेका स्थानिय संघ संस्थासँग मिलेर काम गर्ने लगायतका थुप्रै कार्ययोजना सार्वजनिक गरे । डाक्टर बन्जाडेसँगै चुनावी अभियानमा हिडेका बिभिन्न पदका उम्मेदवारहरुले कार्यक्रम आफ्नो उम्मेदवारीको औचित्य प्रष्ट्याउने प्रयास गरेका थिए ।
प्रतिक्रिया लेख्नुहोस्:-