अमेरिका, लस भेगास, ९ मे / अमेरिकाको विभिन्न राज्यहरूबाट आबद्ध भएका नेपाली कलाकारहरूको ठुलो संस्था, बृहत् नेपाली कलाकार संघ, उत्तर अमेरिका (UNAANA)को केन्द्रीय कार्य सम्पादनको मिटिङ्गले अधिवेशनको तयारी गरेको छ । बैठक लस भेगासको वेष्ट गेट होटलमा बसेको थियो ।
बैठकले प्रवासमा रहेर, नेपाली कला, सङ्गीत र साहित्यमा योगदान पुर्याउने तिन जना व्यक्तिलाई प्रत्येक वर्ष “युनाना वर्ष व्यक्तित्व सम्मान” भनेर सम्मानित गर्ने निर्णय गरेको छ । साथै, किड्नी पीडित अस्पतालमा उपचार गराई रहेकी विपन्न परिवारकी गायिका जलजला परियारलाई संस्थाको कलाकारहरूबाट उठेको रकम अमेरिकी डलर ६७७/- युनाना- नेपाल मैत्री मंचका संयोजक सङ्गीतकार; सन्तोष श्रेष्ठ मार्फत हस्तान्तरण गर्ने निर्णय समेत गरेको छ ।
संस्थाले सांस्कृतिक कार्यक्रम मार्फत अमेरिका तथा उत्त्तर अमेरिकामा नेपाली संस्कृतिको विकाश गर्ने उद्देश्य साथ संस्थाको कार्य सम्म्पन्न्ताका लागी संचार संयोजकमा श्रीराम थापा ‘काजिसाब’(क्यालिफोर्निया), आर्थिक संयोजकमा दिनेश कार्की (भर्जिनिया), कार्यक्रम संयोजक; नारायण त्रिपाठी (टेक्सास्), जन सम्पर्क संयोजक; हेमन्त हमाल (मिनिसोट्टा) र व्यवस्थापन संयोजकमा अरुणा रुम्बा मोक्तान (न्यु योर्क) लाई जिम्मेवारी प्रदान गरेको सञ्चार संयोजक श्रीराम थापाले जानकारी दिए ।
प्रतिक्रिया लेख्नुहोस्:-