अमेरिका । इजरायल र प्यालेस्टाइन वीचको जारी द्वन्दमा करिब २ सय भन्दा बढिको ज्यान गएको छ । एकसाता देखिको जारी युद्धमा आइतवार सबै भन्दा बढि धन जनको क्षति भएको छ । इजरायलले गरेको हवाई आक्रमणबाट गाजा क्षेत्रमा ४५ जनाको ज्यान गएको समाचार संस्थाहरुले जनाएका छन् ।
प्यालेस्टाइनबाट हमासका लडाकूहरुले करिव ३ हजार रकेट इजरायल तर्फ प्रहार गरेका छन् । यसबाट इजरायलमा ११ जनाको मृत्यु हुनका साथै थुप्रै भौतिक संरचनामा क्षति पुगेको छ । आइतवार इजरायली सेनाले हमासका लडाकुहरु लुकेका आशंकामा बंकर र थुप्रै भवनहरुमा हवाई आक्रमण गरेको छ । अमेरिकी समाचार संस्था एपी र अलजजीराको गाँजामा रहेको कार्यलय भवनमा हमासको समेत कार्यलय रहेको भन्दा इजरायले हवाई आक्रमण गरि ध्वस्त बनाइदिएको छ ।
दुबै पक्षको आक्रमणबाट बालबालिका महिला र सर्वसाधारण गरि करिव २ सय जनाले ज्यान गुमाएका छन् । संयुक्त राष्ट्र संघले दुबै पक्षलाई आक्रमण र प्रत्याक्रमण रोक्न आग्रह गरेको छ । चर्कदै गएको द्वन्दसँगै विश्वका शक्ति राष्ट्रहरु धुर्बिकृत हुँदै गएका छन् ।
एजेन्सीहरुको सहयोगमा
तस्विर: रोयटर्स
प्रतिक्रिया लेख्नुहोस्:-