अमेरिका । एनआरएनए अमेरिकाको निर्वाचनको दिन नजिकिदै गर्दा अमेरिकामा रहेको नेपाली कांग्रेसको सुभेच्छुक संस्था नेपाली जन संपर्क समिति अमेरिकाका नेताहरु तीन धुर्बमा बाढिएका छन् । एनआरएनए अमेरिकाको अध्यक्षका प्रत्यासी बुद्धि सुवेदीको पक्षमा करिव ७० प्रतिशत नेताहरु खुलेका छन् । अध्यक्षका अरु दुई प्रत्यासी डाक्टर अर्जुन बन्जाडे र कृष्ण लामिछानेलाई नेपाली जन संर्पक समिति अमेरिकाका थोरै नेताहरुले मात्र इन्डोर्स गरेको देखिएको छ ।
नेपाली कांग्रेस पार्टीको सुभेच्छुक संस्थाको रुपमा काम गर्ने नेपाली जन संपर्क समिति अमेरिका अहिले दुईवटा समुहमा विभक्त छ । एउटा समुहको नेतृत्व आनन्द विष्टले गर्दै आएका छन् भने अर्को समुहको नेतृत्व धनन्जय नरसिंह केसीले गरिरहेका छन् । दुबै समुहका बहुसंख्यक नेताहरुले अध्यक्षका प्रत्यासी बुद्धि सुबेदीको कार्यक्रममा सहभागी भएर समर्थन गरेको देखिएको छ ।
आनन्द बिष्टले नेतृत्व गरेको नेपाली जनसंपर्क समिति अमेरिकाका महासचिव मुनिन्द्र नेम्वाङ, संगठन बिभाग प्रमुख बेद खरेल, उपाध्यक्षहरु धर्म श्रेष्ठ कोलोराडो, भगवान मैनाली टेक्सास, केशव बराल भर्जिनिया, त्यस्तै , केन्द्रिय सदस्यहरु सन्तोष पहारी -जर्जिया, अमृत भट्टराई -मिसिगन, सुन्दर गुरुङ, लोक लामा, पविता परियार, पिताम्वर भुषाल, हरि शर्मा, माया कडायत, किलन राई, सुरेन्द्र रानाभाट, सहित केन्द्रिय समितिका २३ जनाले बुद्धि सुवेदीलाई समर्थन गरेका छन् ।
महासचिव मुनिन्द्र नेम्वाङ भन्छन् “हाम्रो कार्यसमितिमा अहिले सक्रिय रहनु भएका २९ जना मध्ये ७० प्रतिशत भन्दा बढिले बुद्धि सुवेदीजी र उहाँको साथमा रहेको समुहलाई समर्थन गर्नु भएको छ । यति मात्र होइन १५ वटा च्याप्टरका सभापतिहरुले बुद्धि सुबेदीलाई समर्थन गरिसकेका छन् ” नेपाली जन संपर्क समितिका संगठन विभाग प्रमुख वेद खरेल पनि महासचिव नेम्वाङको भनाइसँग सहमत देखिन्छन् । भन्छन “जन संपर्कका केन्द्र देखि च्याप्टरसम्म अधिकांश साथीहरुको साथ र सहयोग बुद्धिजीको समुहलाई छ । न्युयोर्कबाट मात्रै बुद्धिजीले २ हजार भन्दा बढि नै भोट पाउने अवस्था छ ।”
धनन्जय नरसिंह केसीले नेतृत्व गरेको अर्को नेपाली जनसंपर्क समिति अमेरिकाका अध्यक्ष केसी सहित अधिकांशले बुद्धि सुवेदी समुहलाई समर्थन गरेका छन् । उपाध्यक्ष सागर कडेल, महासचिव सुवास घिमिरे, कोषाध्यक्ष क्रान्ती अर्याल सहित दर्जन भन्दा बढि केन्द्रिय सदस्यले खुलेर बुद्धि सुवेदी समुहलाई समर्थन गरेका छन् । अध्यक्ष धनन्जय नरसिंह केसी भन्छन् “बुद्धि सुवेदीजी र उहाँसँग सहकार्य गरेको पुरै समुहलाई मेरो नेतृत्वको जनसंपर्क समितिका अत्याधिक साथीहरुले समर्थन गरिसक्नु भएको छ ।”
नेपाली जनसंपर्क समिति अमेरिकाका अध्यक्ष आनन्द बिष्ट, उपाध्यक्ष सी पी पौडेल केन्द्रिय सदस्य गौतम दाहाल, सुवास लामा, ओम भट्टराईले मात्र अध्यक्षका प्रत्यासी डाक्टर अर्जुन बन्जाडेलाई समर्थन गरेका छन् ।
नेपाली जनसंपर्क समितिका पूर्व संयोजक बिष्णु सुवेदी, हरिबोल भण्डारी, प्रमोद सिटौला, मुक्तिनाथ पन्त लगायतका केहीले अध्यक्षका प्रत्यासी कृष्ण लामिछाने समुहलाई समर्थन गरेका छन् । जनसंपर्क समिति अमेरिकाका एकजना नेता नाम उल्लेख नगर्ने सर्तमा भन्छन् “एनआरएनए आइसीसीको आसन्न निर्वाचनमा एमालेको केपी ओली समुहका उम्मेदवारलाई सहयोग पु¥याउन सचिव गौरि जोशीले कृष्ण लामिछानेलाई उम्मेदवार बनाएका हुन् ।” जन संपर्क समितिका कतिपय नेताहरुले सार्वजनिक मन्चमा पनि यो आरोप लगाउने गरेका छन् ।
लामिछाने समुहलाई नै लक्षित गर्दै गत मे ९ तारिख सानफ्रनसिस्कोमा आयोजित चुनावी कार्यक्रममा नेपाली जन संपर्क समितिका अध्यक्ष धनन्जय नरसिंह केसीले नेपाली कांग्रेसको आवरणमा कम्युनिष्ट पक्षलाई बलियो बनाउने सूर्यमुखी कांग्रेसहरुको खेल यसपटक सफल नहुने बताए । सोही कार्यक्रममा नेपाली जन संपर्क समिति अमेरिकाका सल्लाहाकार भक्त थापाले नेपाली कांग्रेसको आवरणमा लुकेर कम्युनिष्ट पक्षधरलाई बल पुर्याउने अन्तरघातीलाई पार्टीले पहिचान गरि कारबाही गर्नु पर्ने माग गरेका थिए ।
प्रतिक्रिया लेख्नुहोस्:-