संगठन बलियो भएमात्रै पार्टी मजबुत हुन्छ : नेता साउद

काठमाडौं । नेपाली कांग्रेसका नेता तथा पूर्वमन्त्री एनपी साउदले पार्टी बलियो बनाउने हो भने संगठन बिस्तारलाई मुख्य ध्यान दिनुपर्ने बताएका छन् । उनले शनिबार कांग्रेस सुर्खेतले गरेको कार्यकर्ता भेटघाट तथा अन्तरक्रिया कार्यक्रममा संगठनलाई एकढिक्का बनाएर मात्रै पार्टी मजबुत हुने बताए ।

‘अर्कालाई गाली गरेर, अर्का माथि आक्रमण गरेर, आफ्नो संगठन कमजोर बनाएर, संगठनमा विभाजन ल्याएर पार्टी मजबुत हुन सक्दैन,’ साउदले भने । पूर्व परराष्ट्रमन्त्रीसमेत रहेका नेता साउदले अन्य पार्टीहरुलाई समेट्दै आफ्नो जनाधार बलियो बनाएर मात्रै ठूलो पार्टी बन्न सकिने बताए ।