उत्तम धमला
सान् फ्रान्सिस्को
जुन १ २०२२
उत्तरी क्यालिफोर्निया निवासी नेपालीहरुको पुरानो संस्था नेप्लिज एसोसियसन अफ नर्दन क्यालिफोर्निया (NANC ) मे ३० मा सम्पन्न निर्वाचनले प्रितेश कार्कीको अध्यक्षतामा १३ सदस्यीय समिती निर्विरोध चयन गरेको छ। । घोषित निर्वाचन कार्यक्रम अनुसार सम्पूर्ण पदहरुमा एक मात्र उम्मेदवारी परेपछी समिती निर्विरोध निर्वाचित भएको हो निर्वाचन समितिले जनाएको छ ।
सन् २०२२ देखी २०२४ सम्मको कार्यकालका लागी अध्यक्षमा प्रितेश कार्की, बरिष्ठ उपाध्यक्षमा कल्पना लामा, उपाध्यक्षमा संगिता विश्वकर्मा, महासचिवमा यज्ञ नेपाल र कोषाध्यक्षमा किलेश्वर मल्ल चयन भएका छन्। भने सदस्यहरुमा प्रतिक्षा हमाल, रोहित क्षेत्री, रोमन श्रेष्ठ, डिल्ली प्रसाद भट्टराई, सुरेश भट्ट, बासुदेव बुढा क्षेत्री, राजन कंडेल र सारिका थापा चयन भएका छन्। । निर्वाचित नयां समितीले जुन ५ का दिन पद तथा गोपनियताको सपथ लिने निर्वाचन अधिकृत लक्ष्मण अधिकारीद्वारा हस्ताक्षरित विज्ञप्तिमा जनाईएको छ ।
NANC बे एरियामा सामुदायिक केन्द्र निर्माणसंग प्रत्यक्ष जोडिएर अग्रणी भूमिका निर्वाह गरिरहेको संस्था हो। २०२२ – २४ का लागी नयां समिती निर्वाचित भएर आएपछी सामुदायीक भवन निर्माणको कामले नयां गति लिने अपेक्षा गरिएको छ। उत्तरी क्यालिफोर्निया निवासी नेपालीहरुको पुरानो संस्था भएपनि आपसी खिचातानी र समन्वय अभावको कारण यस संस्थाले निमार्ण गर्ने भनिएको कम्यूनिटी सेन्टर निमार्णमा खासै पहल हुन सकेको छैन । कम्यूनिटी सेन्टर निमार्णको विषय यस क्षेत्रमा निकै पेचिलो बन्दै गइरहेको सन्दर्भमा नवनिर्वाचित अध्यक्ष कार्कीले “कम्यूनिटी सेन्टर” निमार्ण नै आफ्नो टीमको प्राथमिकता भएको बताए । “म टीममा विश्वास गर्छू र सबैबो विश्वास र साथ लिएर अघि बढ्छु “अध्यक्ष कार्कीले दूरवीनसंगको संक्षिप्त कुराकानीमा भने ।
प्रतिक्रिया लेख्नुहोस्:-