स्यानफ्रान्सिस्को, क्यालिफोर्निया
नेपाली कथानक चलचित्र ‘द सेक्रेट अफ राधा’ का निर्माता एवं निर्देशक सुवर्ण थापालाई स्यानफ्रान्सिस्को बे एरियामा सम्मान गरिएको छ । आज फ्रीमण्टमा आयोजित एक कार्यक्रममा बे एरिया निवासी मदरल्याण्ड नेपालको अध्यक्ष अनिल पाण्डेले बे एरियाका नेपालीहरुको तर्फवाट निर्देशक थापालाई सम्मान गरेका हुन् ।
थापाले निर्देशन गरेको चलचित्र राधा हिजो शनिवार र आज आइतवार फ्रिमण्टको सिने लाउन्जमा प्रदर्शन गरिएको थियो भने जुन ७ मा बे एरियाको कन्कर्डमा प्रदर्शन हुदैछ ।
अध्यक्ष पाण्डेले दर्शकको संख्याले मात्र चलचित्रको गुणस्तर मापन नहुने बताउदै यसले समाजमा सन्देश दिनुपर्ने बताए । ‘फिल्म कति चल्यो वा चलेन, त्यो फक कुरा हो, तर एउटा कलाकार वा सर्जकले आफ्नो क्षेत्रमा निरन्तर लागिरहनुपर्छ,’ पाण्डेले निर्देशक थापालाई सम्मान गर्दै भने ।
आफ्नो चलचित्रले समाजको यथार्थ विषयलाई उजागर गरेको उल्लेख गर्दै निर्देशक थापाले बे एरियाका अग्रज ब्यक्तित्वहरुप्रति आभार प्रकट गर्दै यसवाट आफू उत्साहित भएको बताए ।
श्रृष्टि श्रेष्ठ, खगेन्द्र लामिछाने, निश्चल बस्नेत, सौगात मल्ल, दयाहाङ राई, मेनुका प्रधान, बुद्धि तामाङ लगायतको आभिनय रहेको यस चलचित्र सौगात मल्ल र निर्देशक थापाको संयुक्त लगानीमा बनेको हो ।
कोरियाको बुसान फिल्म फेस्टिवलबाट पटकथा लेखनमा ग्राण्ट पाएको यस चलचित्र नेफ्टाको १० वटा विधामा मनोनित भएको थियो भने निफमा जुरी अवार्ड जितेको थियो भने फ्रान्सको कान्समा आयोजित फिल्म फेष्टिवलमा उत्कृष्ट फिल्म, निर्देशन र अभिनेत्रीको अवार्ड जितेको थियो ।
प्रतिक्रिया लेख्नुहोस्:-