काठमाडौं । आगामी मंगलबार राष्ट्रपति रामचन्द्र पौडेलले स्वीट्जरल्यान्डको भ्रमण गर्ने भएका छन् । अन्तर्राष्ट्रिय श्रम सम्मेलनको ११२औँ उच्चस्तरीय सत्रमा हुने सामाजिक न्यायका लागि विश्वव्यापी गठबन्धनको उद्घाटन कार्यक्रममा सहभागी हुन राष्ट्रपति पौडेल स्वीट्जरल्यान्डको जेनेभा जान लागेका हुन् ।
उनले जेठ ३१ गते सामाजिक न्यायका लागि विश्वव्यापी गठबन्धनको उद्घाटन कार्यक्रमलाई सम्बोधन गर्ने तय भएको परराष्ट्र मन्त्रालयले आइतबार जारी गरेको विज्ञप्तिमा उल्लेख छ ।
उनको जेठ ३० गते स्वीट्जरल्यान्डका राष्ट्रपति भायोला एमहेर्डसँग द्विपक्षीय वार्ता गर्ने कार्यक्रम रहेको छ ।
प्रतिक्रिया लेख्नुहोस्:-