एलसरिटो/क्यालिफोर्निया
ठूलो संख्यामा नेपालीहरु आवद्ध रहेको बे एरियाका लायन्स क्लवहरुको आयोजनामा गत शनिवार रक्तदान कार्यक्रम सम्पन्न भएको छ । लायन्स क्लव अफ इन्टरनेशनलको १४ औं बार्षिक रक्तदान कार्यक्रम अन्तरगत गरिएको सो रक्तदान कार्यक्रममा २२ जनाले रक्तदान गरेको एलसोब्रान्टे माच्छापुछ्रे लायन्स क्लवका चार्डड प्रेसिडेण्ड क्रान्ति अर्याल भण्डारीले जानकारी दिइन ।
भण्डारीका अनुसार सो रक्तदान कार्यक्रममा लायन्स क्लव अन्नपुर्ण, फ्रिमण्ट सगरमाथा, बर्कली मकालु, बर्कली लालीगुरास,ओकल्याण्ड फिड द निड, अलामेडा यति, र एल सोब्राण्टे माच्छापुछ्रेले सहभागीता जनाएका थिए ।
एल सोब्राण्टे माच्छापुछ्रेको चार्डड प्रेसिडेण्डमा अर्याल
यसैवीच केहीदिन अघि सम्पन्न भएको लायन्स क्लवको एक विशेष कार्यक्रममा बे एरियामा सामाजिक कार्यमा सकृय क्रान्ति अर्याल एल सोब्राण्टे माच्छापुछ्रेको चार्डड प्रसिडेण्टमा चयन भएकी छन् । लामो समयदेखि अमेरिका बस्दै आएकी अर्याल अन्तराष्ट्रिय संस्थाहरुमा काम गरेकी दक्ष नेपालीको रुपमा परिचित छन् । उनी अमेरिकामा रहेको नेपालीहरुको पुरानो संस्था एएनएका उपाध्यक्ष समेत हुन् ।
बर्कलीमा सम्पन्न भएको क्लव इन्स्टलेसन कार्यक्रममा लायन्स क्लव इन्टरनेशनलका पीडिजी राजेन थापाले प्रमुख बक्ताको रुपमा लायन्स क्लवको आवश्यकता र महत्वपाथि प्रकाश पारेका थिए भने डिजी मनिल श्रेष्ठ,डिजीई डर्लिन रेड्ली, भिडिजी लक्ष्मी चौधरी र ध्रुव थापाले आफ्नो मन्तब्य राखेका थिए । कार्यक्रममा बे एरियाका प्रष्तिष्ठित ब्यक्तिहरुको उपस्थिति रहेको थियो ।
प्रतिक्रिया लेख्नुहोस्:-