काठमाडौं । सत्ता साझेदार दल नेकपा एमालेले नै प्रधानमन्त्री पुष्पकमल दाहाल ‘प्रचण्ड’ को भारत भ्रमणबारे संसद्लाई जानकारी गराउन माग गरेको छ ।
एमाले सांसद रघुजी पन्तले मंगलबार प्रतिनिधिसभा बैठकमा भाग लिँदै यस्तो माग गरेका हुन् ।
“प्रधानमन्त्रीजीले बाहिर मिडियामा मात्रै भनेर हुँदैन, यहाँ आएर भारतसँग के-के विषयमा कस्तो-कस्तो कुराकानी भयो, दुईपक्षीय हितका विषयमा के(कस्ता योजनाहरूबारे छलफल भयो । यसबारे प्रधानमन्त्रीले संसद्लाई जानकारी दिनुपर्छ,” उनले भने ।
प्रधानमन्त्रीको भ्रमणबारे थाहा पाउने संसद्को विशेषाधिकार भएको भन्दै उनले सभामुखले यसबारे रुलिङ गर्नुपर्ने बताए ।
प्रतिक्रिया लेख्नुहोस्:-