काठमाडौं । नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईले पहिले आफू वीपी कोइरालाको समर्थक भएको बताएका छन् ।
पार्टी स्थापना दिवसको अवसरमा बुधबार आयोजित कार्यक्रममा बोल्दै भट्टराईले भने, ‘कांग्रेसका साथीहरूलाई म धन्यवाद दिन चाहन्छु । म त्यसैको उपज हो । म पनि वीपी कोइरालाको समर्थक थिएँ । कांग्रेसले राजालाई मान्न थालेपछि मैले छोडेको हो । पछि कम्युनिष्ट पार्टीमा लागेकै हो ।’
राजतन्त्रको अन्त्य गर्ने संकल्प लिएकाले कम्युनिस्ट पार्टीमा लागेको र त्यसको अन्त्य भएपछि छोडेको भट्टराईले बताए ।
भट्टराईले अर्को प्रसंगमा कुर्सीका लागि भारतसँग लम्पसार पर्नेहरूले आफूलाई नरुचाएको बताएका छन् । उनले भारतसँग लम्पसार पर्नेहरूले नै आफूलाई भारतीय दलाल भन्ने गरेकोमा आपत्ति जनाए ।
प्रतिक्रिया लेख्नुहोस्:-