काठमाडौं । प्रधानमन्त्री पुष्पकमल दाहाल प्रचण्डले मानवीय अतिक्रमणले गर्दा चुरे क्षेत्रमा संकट पैदा भएको बताएका छन् । उनले आज चुरे संरक्षण दिवसको अवसरमा मिर्चैया नगरपालिकामा आयोजित कार्यक्रमलाई सम्बोधन गर्दै यस्तो बताएका हुन् ।
ढुङ्गा, गिट्टी, बालुवाको सङ्कलन र उत्खनन्ले चुरे क्षेत्रको दोहन बढेको बताउँदै प्रधानमन्त्री दाहालले नदी प्रणालीको वातावरणीय अखण्डतामा गम्भीर सङ्कट पैदा गरेको बताए । चुरे क्षेत्रमा बढ्दो जनसङ्ख्या, अव्यवस्थित बसोबास, वन अतिक्रमण, वन डढेलो, खुला चरिचरण र नदीजन्य पदार्थको दोहन, अव्यवस्थित भौतिक पूर्वाधार निर्माण, भू–क्षय जस्ता कारण यसको संरक्षण दिन प्रतिदिन चुनौतीपूर्ण बन्दै गएको उनको भनाइ थियो ।
प्रतिक्रिया लेख्नुहोस्:-