जाङ्बु शेर्पा, दूरबिन नेपाल, जुन १८
युएससीआइएसका नयाँ निर्देशक केन कुइन्सीलीले असाइलम अफिसरलाई गम्भिर भएर फैसला गर्न निर्देशन दिएका छन । निर्देशक केनले असाइलमका फाइलहरुको सुक्ष्म अनुसन्धान गर्न निर्देशन जारी गरेका हुन । असाइलम अफिसरहरुलाई इमेल मार्फत निर्देशन जारी गर्दै केनले आप्रावासीहरुले वैधानिकता प्राप्त गर्न विभिन्न बहाना र नक्कली कागजपत्रहरु पेश गर्ने गरेको दावी गर्दै हरेक आवेदकहरुको निवेदनमाथी गम्भिर ढंगले अध्ययन अनुसन्धान गर्न समेत अफिसरहरुलाई आदेश दिएका हुन । केनले सार्वजनिक गरेको परिपत्रमा राष्ट्रिय सुरक्षालाई मध्यनजर राखी असाइलम आवेदकको पृष्ठभुमिलाई समेत जाँच गर्न उर्दी जारी गरेका हुन ।
केनको यस्तो निर्देशनलाई कतिपय अध्यागमन अधिकारीहरुले चेतावनीपुर्ण र दवाव श्रृजना गर्ने खालको भनी टिप्पणी गरेका छन । यसअघि नै राष्ट्रपति ट्रम्पले अमेरिकामा कस्ता आप्रावासीहरुलाई अनुमति दिने भन्ने बारे महत्वपुर्ण परिवर्तनको योजना सार्वजनिक गरिसकेका छन । आफ्नै दल रिपब्लिकनका केही नेता र विपक्षी डेमोक्रयाटहरुको बिरोधका वाबजुद ट्रम्पले कुइन्सिलीलाई युइएससीआइएसको निर्देशकमा नियुत्त गरेका हुन ।
नेपालीपनि प्रभावित हुने ?
दुइहजार भन्दा धेरे नेपालीको असाइलम फाइल पनि प्रक्रियामा रहेको छ । विशेषगरी न्युयोर्क र क्यालिफोर्नियामा असाइलम फाइल गर्ने नेपालीको संख्या उच्च रहेको छ । राष्ट्रपति ट्रम्पले परिवारमा आधारित भन्दा क्षमतामा आधारित ग्रिनकार्ड प्रक्रियालाई प्रोत्साहन दिने बताउंदै आएका छन । यसले ग्रिनकार्ड पाउनेको संख्यामा फरक नपरेपनि प्रक्रिया भने परिवर्तन हुने देखिन्छ ।
प्रतिक्रिया लेख्नुहोस्:-