‘द वाइड जोन’ले स्यानफ्रासिस्कोमा लाइभ कन्सर्ट गर्ने

स्यानफ्रान्सिस्को /क्यालिफोर्निया
विदेशमा रहेर सामाजिक क्षेत्रमा कृयाशील युवाहरुको संस्था ‘द वाइड जोन’को आयोजनमा स्यानफ्रान्सिस्कोमा आगामी शुक्रवार जुन २१ मा लोकप्रिय ब्याण्ड ‘मन्त्र’को लाइभ म्युजिकल कन्सर्टको आयोजना हुने भएको छ । कार्यक्रम जुन २१ का दिन स्यानफ्रान्सिस्कोको 3140 Mission Street, Roccapulco मा सांझ ८ बजेवाट शुरु हुनेछ ।

कार्यक्रममा सहभागी हुन बे एरिमा रहेका सबै नेपालीहरुलाई आयोजकले आग्रह गरेका छन् ।
मनोरन्जन पनि समाजसेवापनि भन्ने उदेश्यले हालै निर्वाचित भएको ‘द वाइड जोन’को नया कार्यसमितिले सो लाइभ म्युजिकल कन्सर्टको आयोजना गर्न लागेको संस्थाका संस्थाजक अध्यक्ष राजेश  थापाले जानकारी दिए । थापाका अनुसार कन्सर्टवाट संकलित भएको रकम सामाजिक कार्यमा लगाइने छ । लाइभ कन्सर्टको लागि मन्त्र ब्याण्डको समूह स्यानफ्रान्सिस्को आइपुगेको छ ।
‘यो कन्सर्ट मनोरन्जनको लागि मात्र नभएर सामाजिक कार्यको लागि पनि हो’- संस्थापक अध्यक्ष थापाले दूरविनसंग भने, ‘विगतमा पनि वाइड जोनले गरेका सबै सामाजिक कार्यवाट समाजका विपन्न र असहाय बर्गलाई फाइदा पुगेको छ’ ।
कार्यक्रममा प्रायोजन गर्न चाहनेले 510-408-8655, 510-978-1400 मा सम्पर्क गर्न र टिकट https//thingsnepali.com/event/6633fc3f31db87fd3d41c171 अनलाइनवाट किन्न सकिने आयोकले जानकारी दिएका छन् ।