अमेरिका । एनआरएनए अमेरिकाले आइसीसीको अधिवेशनमा अमेरिकाबाट प्रतिनिधित्व गर्ने २५ प्रतिशत अर्थात ४७ जना डेलिगेटसहरुको निर्वाचन जुलाई २ तारिख भित्र गर्ने भएको छ । शनिवार बसेको एनआरएनए अमेरिकाको कार्यसमिति बैठकले निर्वाचन समिति र नव निर्वाचित कार्यसमितिसँग परामर्श गरि समयमा नै निर्वाचन गराउने पक्रिया र विधि टुंगो लगाउने निर्णय गरेको हो ।
बाकी ७५ प्रतिशत डेलिगेटस मध्ये ६५ प्रतिशत बर्तमान कार्यसमिति, पुर्व कार्यसमिति, आइसीसीका विभिन्न समितिमा अध्यक्षता गरेका ब्यक्तिहरु चयन हुने आइसीसीको विधानमा उल्लेख छ । महासचिव पशुपति पाण्डेका अनुसार गत मे महिनामा संपन्न निर्वाचनमा बिजय भएको नयाँ कार्यसमितिका २५ जनालाई ६५ प्रतिशत भित्रै मिलाएर डेलिगेटस चयन गर्ने निर्णय बैठकले गरेको छ । नब निर्वाचितलाई डेलिगेटसमा राख्ने की नराख्ने भन्ने विवादका वीच सुनिल साहको अध्यक्षतामा बसेको बैठकले नब निर्वाचित २५ नै जनालाई समेटेर ६५ प्रतिशत डेलिगेटसको फाइनल लिष्ट बनाउने निर्णय गरेको हो । बाकी १० प्रतिशत नवनिर्वाचित अध्यक्षले मनोनित गर्न पाउने ब्यबस्था छ ।
विश्वको सवभन्दा ठुलो एनसीसी अमेरिकाले चयन गरेका डेलिगेटसले एनआरएनए आइसीसीको आगामी अक्टोबरमा हुने अधिवेशनमा भाग लिन पाउनेछन् ।
प्रतिक्रिया लेख्नुहोस्:-