काठमाडौं । प्रमुख प्रतिपक्ष नेपाली कांग्रेसले बजेट पास नभएसम्मका लागि आफ्नो सांसदहरुलाई संसद्का सबै बैठकहरुमा अनिवार्य उपस्थित हुन निर्देशन दिएको छ । संसदीय दलका नेता एवम् पार्टी सभापति शेरबहादुर देउवाले शुक्रबार बसेको संसदीय दलको बैठकमा यस्तो निर्देशन दिएका हुन् ।
बैठकमा प्रमुख प्रतिपक्षी दलका हिसावले संसद्मा उठाउनुपर्ने जनताका सवालहरुलाई अझ प्रखररुपमा उठाउने र समाधानका लागि सरकारलाई दबाब दिनेबारे छलफल भएको थियो । बैठकले वर्तमान सरकारले ल्याएको बजेट असन्तुलित र अपरिपक्क ढंगको विनियोजन रहेको भन्दै कांग्रेसले राखेका खर्च कटौतीका प्रस्तावहरुको पक्षमा उभिने निर्णय भएको प्रमुख सचेतक रमेश लेखकले बताए ।
ु
प्रतिक्रिया लेख्नुहोस्:-