काठमाडौं
‘बिनोद नेपाल स्मृति फाउण्डेसन’को आयोजनामा काठमाडौंमा हालै रक्तदान कार्यक्रम गरिएको छ । बुढानिलकण्ठ नगरपालिका १० काठमाण्डौमा रक्तदान कार्यक्रमको आयोजना गरिएको थियो ।
गत शनिवार आयोजना गरिएको रक्तदान कार्यक्रममा ४० जनाले रक्तदान गरेको संस्थाका अध्यक्ष डा गंगादत्त नेपालले जानकारी दिए । कयौं बिरामीहरु रगतको अभाव भई उपचारमा बाधा हुने गरेको कुरालाई मध्यनजर गर्दै केही हदसम्म रगतको अभाव लाई पुर्ति गर्न रक्तदान कार्यक्रम आयोजना गरिएको नेपाललले जानकारी दिए ।
संस्थाका अध्यक्ष डा गंगादत्त नेपालको अध्यक्षतामा भएको कार्यक्रममा पुर्व स्वास्थ्यमन्त्री गगन थापाको प्रमुख आतिथ्यता रहेको थियो । कांग्रेस महामन्त्री थापाले रक्तदानमा सहभागी भएकाहरुलाई प्रमाणपत्र वितरण गरेका थिए । रक्तदान कार्यक्रममा फाउण्डेसनका सल्लाहकार वंशलाल तामाङ लगायतको उपस्थिति रहेको थियो ।
रक्तदान कार्यक्रममा मन्तब्य राख्दै पुर्वमन्त्री गगन थापाले यस कार्यक्रमले बिनोद नेपाललाई सम्झने अवसर पनि भएको बताए । ‘विगतलाई सम्झने र जीवन अघि बढाउने कार्यक्रम यहि हो’, थापाले भने । रक्तदान कार्यक्रममा सहयोग गर्ने सबैलाई उनले धन्यवाद दिए ।
फाउण्डेसनले बार्षिक रूपमा रक्तदान कार्यक्रम गर्दै आएको छ । समाजसेवी गंगादत्त नेपालको छोरा बिनोद नेपालको उच्च शिक्षा अध्ययनका लागि अमेरिका गएको समयमा कार दुर्घटनामा परि निधन भएको थियो । उनको सम्झनामा गठन गरिएको फाउन्डेसनले २०७७ सालदेखि निरन्तर विभिन्न सामाजिक कार्यहरू गर्दै आइरहेको छ । रगत अभावमा कसैले पनि ज्यान गुमाउन नपरोस भन्ने उद्देश्यले रक्तदान कार्यक्रम गरेको फाउण्डेशनले जनाएको छ ।
बिनोद नेपाल स्मृति फाउण्डेसनले स्वर्गीय विनोद नेपालको सम्झनामा छात्रवृत्ति कार्यक्रम समेत सरू गरेको छ । मेलम्चीको इन्द्रेश्वरी माध्यमिक विद्यालयका विद्यार्थीहरूलाई छात्रवृत्ति प्रदान गरिएको फाउण्डेसनका अध्यक्ष गंगादत्त नेपालले जानकारी दिए ।अध्यक्ष नेपालका अनुसार फाउण्डेशनले यस आर्थिक बर्षमा सिभिल ईन्जिनियरिंग अध्ययनार्थ ५ जना छात्रछात्रालाई ईन्द्रेश्वरी माध्यमिक विद्यालयका ५ जना बिद्यार्थीलाई पूर्ण स्कलरसिप प्रदान गरेको छ । त्यसैगरि स्व ई दिनोद नेपालको जन्मजयन्ति फागुन १४ को सम्झनामा सृजनशील वालसेवा परिवारलाई ५० हजार सहयोग र गत शनिवार बृहत रक्तदान कार्यक्रमको आयोजना गरिएको थियो ।
प्रतिक्रिया लेख्नुहोस्:-