जाङबु शेर्पा, दूरबिन नेपाल, जुन २४
अमेरिकाको टेक्सस राज्यका विभिन्न स्थानमा आइसीइले धरपकड गरी ५२ जनालाई नियन्त्रणमा लिएको छ । टेक्ससको सानआन्टिनोबाट शुरु भएको धरपकड रियो गारन्ते भ्याली, वाको अष्टिन लागायतका शहरमापनि गरिएको थियो । पक्राउ पर्नेमा ४६ जना पुरुष र ६ जना महिला रहेको आइसीइले जनाएको छ । पक्राउ परेका मध्ये ४७ जना मेक्सिको, ४ जना होण्डुरस र एक जना क्युवाका नागरिक रहेको जनाइएको छ ।
पक्राउ परेकाहरुमध्ये केही लागु औषध तथा मानव तस्कर गतिविधिमा संलग्न, केहीलाई अध्यागमनले अमेरिका छोड्न आदेश दिइसकेको र केहीभने अवैधानिक रुपले अमेरिका प्रवेश गरेको बताइएको छ । उनीहरुलाई आपराधिक वर्गीकरणको आधारमा पक्राउ गरिएको आइसीइले जनाएको छ । अवैध आप्रवासीहरुमाथीको धरपकडको योजनालाई दुइ हप्ता पर सारेको अमेरिकी राष्ट्रपछि डोनल्ड ट्रम्पको घोषणापछि नै यो घटना भएको हो ।
प्रतिक्रिया लेख्नुहोस्:-