डरम, नर्थ क्यारोलिना ।
परिणाम उन्मुख योजना, निरन्तरता, प्रतिवद्धता र सहकार्य अहिलेको आवश्यकता भन्ने नाराका साथ चुवावी मैदानमा उत्रिएको डिलु पराजुली समुहले शनिवार नर्थ क्यारोलिनाको डरम शहर र आसपास बस्ने नेपालीहरुवीच आगामी जुलाई मा हुने निर्वाचनको सम्वन्धमा भेटघाट एवं अन्तरकृया सम्पन्न गरेको छ ।
एनआएरएनए स्थानीय च्याप्टरको आयोजनामा गरिएको सो अन्तरकृया कार्यक्रममा बोल्दै अध्यक्ष पदका प्रत्यासी डिलु पराजुलीले एनआरएनए अमेरिकालाई पारदर्शी, प्रभावकारी र नेपालीहरुको बृहत हितको लागि उपयोगी हुने संस्थाको रुपमा विकास गर्ने बताए । आफू गैर आवासीय नेपालीहरुको हक हित र उन्नतिको लागि निस्वार्थ ढंगले समाजसेवामा लागेको बताउदै उनले आफ्नो टिमले अगाडी सारेका योजना आफ्नो नेतृत्वले कार्यान्वयन गर्ने उल्लेख गरे । “हाम्रो टीमले अमेरिका निवासी सबै गैरआवासी नेपालीहरुको प्रनिनित्व गर्छ,” पराजुलीले अगाडी भने -“यसकारण यो टीमको विजय नै अमेरिकामा बस्ने आम गैर अवासीय नेपालीको जित र हित हो “।
कार्यक्रम च्याप्टरका अध्यक्ष वासुदेव भट्टको अध्यक्षतामा भएको थियो।
कार्यक्रममा नर्थ क्यारोलिना विभिन्न क्षेत्रका स्थानीय संघ संस्थाका वाट उल्लेख्य मात्रामा नेपाली सहभागी भएका थिए ।
चुनावी अभियानका क्रममा अध्यक्ष पदका प्रत्यासी पराजुलीको टीमले आगामी आइतवार भर्जिनियाको मनाससमा भेटघाट एवं अन्तरकृया कार्यक्रम आयोजना गरेको छ भने सोमवार पेन्सिलभानियाको योर्क शहरमा हुने कोषाध्यक्षका प्रत्यासी सरोज सिग्देलले बताए ।
प्रतिक्रिया लेख्नुहोस्:-