मिनिसोटा ।
नेपालको प्रसिद्ध पर्यटन व्यावसायी एवं बालअधिकारकर्मी मोहन लम्साल संसारको पुरानो वालधिकारवादी संस्था किवानीज इन्टरनेशनलको “ट्रस्टी एट लार्ज”मा निर्वाचित भएका छन् । लम्साल स्वीटजरल्याण्डका प्रत्यासीलाई पराजित गर्दै सो पदमा विजयी भएका हुन । उनी किवानीज इन्टरनेशनलको उच्च पदमा पुग्ने पहिलो नेपाली समेत हुन् । नेपालमा किवानीज क्लवको विकास र विस्तारमा उनको ठूलो योगदान पुर्याएका लम्साल किवानीज नेपालको दोश्रो गभर्नर समेत हुन् ।
किवानीज इन्टरनेशनलको ट्रस्टी एट लार्जमा निर्वाचित भएपछि दुरवीन नेपालसंग कुरा गर्दै लम्सालले आफूलाई बालअधिकारको क्षेत्रमा काम गर्न थप प्रेरणा मिलेको बताए । “हिजोसम्म मेरा काम सीमिति थिए आज त्यो दायरा फराकिलो भएको छ “, उनले भने ।
दूरवीन नेपालसंगको कुराकानीमा लम्सालले नेपालका विपन्न वर्गका बालवालिकाको शिक्षाको अधिकारलाई अन्तराष्ट्रिय क्षेत्रमा वकालत गर्ने र विश्व जगतवाट थप श्रोत साधन प्राप्तीको लागि थप पहल गर्ने बताउदै भने भने-“यसको लागि नेपाल र विश्वका सम्वन्धित संघ संस्थासंग आपसी समन्वय गरि काम गर्नेछु” ।
१०८ बर्ष पुरानो किवानीजले संसारभरका विपन्न वर्गका बालबालिकाको शिक्षा, स्वास्थ्य र अधिकारका लागि काम गर्दै आएको छ । संसारका ९० भन्दा बढी देशहरुमा कृयाशील रहेको किवानीजले नेपालमा लामो समयदेखी बालबालिकाको शिक्षा र स्वास्थ्यमा सहयोग गर्दै आइरहेको छ । नेपालमा मात्र किवानीजका १२० वटा क्लवहरु क्रियाशील रहेका छन् । मिनापोलिस शहरमा भएको अन्तराष्ट्रिय सम्मलेलनमा नेपालको नीलगरी क्लव पुरस्कृत भएको थियो । सो सम्मेलनमा भाग लिन नेपालको लम्सालको नेतृत्वमा किवानीज नेपालको एक टोली अमेरिका आएको थियो ।
प्रतिक्रिया लेख्नुहोस्:-