दूरबिन नेपाल, जुन २६
अमेरिकाको क्यालिफोर्नियामा चौथो नेप्लिज अमेरिकन कन्भेन्सन अर्थात नेपाली अमेरिकन सम्मेलन हुने भएको छ । क्यालिफोर्नियाको लङ बिचस्थित म्यारीओट होटलमा निश्चित गरिएको सम्मेलन जुलाई पाँच देखि ७ तारिख सम्म हुने कन्भेनर रामेश्वर भण्डारीले दूरबिन नेपाललाई बताए । सम्मेलनको मुख्य प्रायोजक एफ ग्रुप र हिमालन हेल्पिङ हेण्डस रहेका छन । सम्मेलनमा लस एन्जलस क्षेत्रमा नेपाली संघसंस्थाहरुको पनि सक्रिय सहभागिता रहने बताइएको छ । सम्मेलनका प्रायोजक हिमालयन हेल्पिङ हेण्डसका अध्यक्ष कपिल अधिकारीले प्रेस विज्ञप्ति जारी गर्दै विभिन्न स्थानमा छरिएर रहेका नेपालीहरुलाई एकै स्थानमा भेला गराउने र अनुभव साटासाट गर्न महत्वपुर्ण भुमिका सम्मेलनले खेल्ने विस्वास व्यक्त गरेका छन । एनएसी सम्मेलन पूर्ण रुपमा गैरराजनीतिक हुने र विभिन्न खेलकुद, सांस्कृतिक तथा शैक्षिक कार्यक्रमहरुले नेपालीहरुको आत्मियतालाई थप बृद्धि गराउने हुंदा सबैलाई सहभागि हुन कन्भेनर भण्डारीले आग्रह गरेका छन । सम्मेलनमा अमेरिकाकालागि पूर्व नेपाली राजदुत शंकर शर्मा लगायत अमेरिकामा रहेका विभिन्न क्षेत्रका व्यत्तित्वहरु उपश्थित हुने जनाइएको छ । तीन दिनसम्म चल्ने सम्मेलनमा विभिन्न खेलकुद, शैक्षिक, स्वास्थ्य, आप्रवास, व्यवसाय, सांस्कृतिक तथा मनोरञ्जनका विभिन्न कार्यक्रमहरु हुनेछन ।
हिमालयन हेल्पिङ हेण्डस सन २०१५ मा नेपालमा गएको विनाशकारी भुकम्पबाट पीडितहरुको राहत र उद्धारको लागि स्थापना भएको अमेरिकामा रहेको नेपालीहरुको गैर नाफामुलक संस्था हो । तर हाल यो संस्थाले आप्नो कार्यक्षेत्रलाई फराकिलो बनाउंदै नेपाली समुदायको हित र प्रर्वद्धनका विभिन्न कार्यहरु गर्दै आइरहको र यसले नेपाली समुुदायको हितमा अझै आफ्नो सक्रियता बढाउने अध्यक्ष अधिकारीले बताए ।
प्रतिक्रिया लेख्नुहोस्:-