काठमाडौं । नेपाली कांग्रेसले आफूलाई चीनको बिआरआई परियोजना ऋणमा स्वीकार्य नहुने प्रष्ट पारेको छ। उसले आज सभापति शेरबहादुर देउवा निवासमा भएको पदाधिकारी बैठकमा यस्तो निष्कर्ष निकालेको हो।
बिआरआई पूर्ण अनुदानमा मात्रै स्वीकार गर्न सकिने कांग्रेसका प्रवक्ता प्रकाशशरण महतले ताए। ‘सरकारले बिआरआईका बारेमा केही गृहकार्य गरिरहेको थाहा पाएका छौं। यही बेला चीनका उपविदेशमन्त्री पनि नेपाल आउनुभएको थियो। कांग्रेसले बिआरआई अनुदानमा मात्रै स्वीकार गर्छ। नेपालमा ऋणको बोझ धेरै भइसक्यो। ऋणको आकारलाई अझै बढाएर लानु हुँदैन,,’ महतले भने।
उनले थप ऋण लिएर बिआरआई परियोजना अगाडि बढाउन नकसकिने बताए। लामो समयका लागि लिएका ऋणहरू नै तिर्न नसकिरहेका बेला थप ऋण लिनु राम्रो नभएको उनको भनाइ छ।
प्रतिक्रिया लेख्नुहोस्:-