न्यूयोर्क ।
लमजुङ समाज न्यूयोर्क अमेरिकाले कृषि विकास वैक लिमिटेडका प्रमूख कार्यकारी अधिकृत गोबिन्द गुरुङसँग मिट एण्ड ग्रीट कार्यक्रम गरेको छ । एडभान्स लर्निङ प्रोगाममा सहभागी हुन अमेरिका आएका प्रमूख कार्यकारी अधिकृत गुरुङसँग लमजुङ समाज अमेरिकाले मिट एण्ड ग्रीट कार्यक्रम गरेको हो ।
कार्यक्रमलाई सम्बोधन गर्दै प्रमूख कार्यकारी अधिकृत गुरुङले विदेशी भूमीमा आफुहरुलाई सम्मान गरेकोमा धन्यवाद व्यक्त गरे । गुरुङले आफु २०४२ सालमा फुपुबाट ऋण सापटी लिएर काठमाण्डौ छिरेको अनुभव सुनाए । काठमाण्डौमा आफन्तहरु कोही नभए पनि आफुले संघर्ष गरेर पढेर २०४९ सालमा नेपाल कमर्स क्याम्पसबाट प्रथम श्रेणीमा एमबीए गरेको बताए । गुरुङसँग नेपाली र विदेशी गरेर विभिन्न ६ वटा बैंकमा २८ बर्ष काम गरेको अनुभव छ । गुरुङले कृषि विकास बैकमा प्रमुख कार्यकारी अधिकृत हुँदा खराब कर्जाको अनुपात ४.५२ थियो भने गुरुङले नेतृत्व सम्हालेदेखि गएको असार मसान्त सम्ममा ३ अर्ब ११ करोड नाफा कमाउन सफल भएको जानकारी दिए । कृषि विकास बैंकले कर्जा १० प्रतिशत कर्जा बढाउन सफल भएको जानकारी दिंदै गएको ९ महिनाको तुलनामा यो बर्षको ९ महिनामा ९७.२२ प्रतिशतले नाफा गरेको बताए । उनले भने, सेवा राम्रो दिएर, बचतमा ब्याजदर घटाएर र कर्जामा ब्याजदर बढाएर बैकले यो नाफा कमाउन सफल भएको हो । बैंकको साख जोगाउनका लागि प्रणालीगत जोखिम बढ्ने भएकोले राष्ट्र बैकको नियम पालना गर्दै बैकलाई दिगो बनाउनका लागि काम गरिरहेको बताए । २०४२ सालमा एसएलसी पास गरेर १ सय रुपैया लिएर काठमाण्डौ छिरेका गुरुङले म्यानेजमेन्ट ट्रेनीको रुपमा हिमालयन बैंकबाट बैंकिङ करियर सुरु गरेका थिए । गुरुङले म्यानमार सिटिजन्स बैंकमा सीईओको रुपमा १ बर्ष ६ महिना काम गरेका थिए ।
हिमालयन बैक, ग्लोबल आइएमई बैंक, मेघा बैंक, सिभिल बैंक र म्यानमार सिटिजन्स बैंकमा काम गरेको अनुभव छ । मेगा बैंकमा डेपुटी जेनेरेल म्यानेजरका रुपमा प्रवेश गरेका गुरुङले चिफ कर्पोरेट बैंकिङको जिम्मेवारी सम्हालेका थिए । डेपुटी सीईओको रुपमा सिभिल बैंकमा नियुक्त भएका गुरुङले बैंकको नेतृत्वकर्ता सीईओको जिम्मेवारी समेत सम्हालिसकेका छन् ।
उनी खुला प्रतिस्पर्धाबाट म्यानमारको याङगुनमा रहेको म्यानमार सिटिजन्स बैंकको सीईओमा नियुक्त भएका थिए । त्यहाँ उनले एक वर्ष ६ महिना काम गरे ।बैकर गुरुङ गीत गाउने र नाच्ने पनि उत्तिक्कै निपुण छन् । उनले गुरुङ जातिको भाषा, संस्कार, संस्कृति जोगाउने अभिप्रायले गुरुङ भाषाको एल्बम समेत निकालेका छन् ।
त्यस्तै, गुरुङ पत्नी बिमला गुरुङले नेपालमा संस्कार इङलिस स्कुल स्थापना गरी शिक्षा क्षेत्र मार्फत जीवनोपयोगी शिक्षा प्रदान गर्ने कोशिष गरेको बताइन् । विद्यालयले, शिक्षा सँगै शुखावति संस्थासँगेको सहकार्यमा जलवायु परिवर्तन र फोहोर व्यवस्थापन सम्बन्धी कार्य गरीरहेको बताए । त्यस्तै, संस्कार विद्यालयले जापानीज स्कुलसँग ग्लोकल एक्स्चेन्ज प्रोग्राम सञ्चालनमा ल्याएको जानकारी दिंदै अन्तर्राष्ट्रिय स्तरको सिकाइ रहेकोले सबैलाई सहयोग गरी दिनु अनुरोध गरिन् ।
समाजका अध्यक्ष गम गुरुङले, लमजुङको मस्र्याङ्दी ८ भंगेरीमा जन्मिएका गुरुङ बैंकिङ क्षेत्रको प्रमूख कार्यकारी अधिकृतमा पुग्ने पहिलो गुरुङ भएकोमा गर्व लागेको बताउँदै अझै राम्रो कार्य गर्दै जान अनुरोध गरे ।
अध्यक्ष गुरुङले प्रमूख कार्यकारी अधिकृत गुरुङ दम्पत्तीलाई खादा ओढाएर सम्मान गरेका थिए । उनले व्यस्तताको बावजुद पनि समय उपलब्ध गरी उपस्थित भइ दिनु भएकोमा प्रमूख कार्यकारी अधिकृत गुरुङ दम्पत्ती लगायत उपस्थित सबैलाई धन्यवाद दिए । कार्यक्रममा बिमा कुमारी दुरा, नायिका रञ्जिता गुरुङ लगायत लमजुङवासी दाजुभाइ तथा दिदी बहिनी सहभागी थिए । कार्यक्रममा संस्थाका संरक्षकहरु तेज गुरुङ, तथा तुलसी गुरुङले मन्तव्य राखेको थिए । फिप्नाका पूर्व महासचिव प्रेम गुरुङले कार्यक्रम सञ्चालन गरेका थिए ।
प्रतिक्रिया लेख्नुहोस्:-