काठमाडौं । राष्ट्रिय स्वतन्त्र पार्टीका पूर्व महामन्त्री मुकुल ढकालले पार्टी सभापति रवि लामिछानेमाथि स्वतन्त्र छानबिन गर्न माग गरेका छन्। उनले आफूलाई पार्टीले कारबाही गरे पछि आज पत्रकार सम्मेलन गरेर यस्तो माग गरेका हुन् ।
‘सहकारी ठगी प्रकरणमा रवि लामिछानेमाथि छानबिन गर्नुपर्छ भन्ने कुरामा सर्वोच्चका न्यायाधीशद्वय सपना प्रधान मल्ल र सारंगा श्रेष्ठको राय एउटै छ। राजीनामा दिने कि नदिने कुरामात्रै उहाँहरूको राय माझिएको हो। सर्वोच्च अदालतले नै छानबिन गर्नुपर्ने नजिर स्थापित गरेको छ,’ बुधबार आयोजित पत्रकार सम्मेलनमा ढकालले भने।
‘रवि लामिछानेमाथि कुनै जाहेरी नपरेको कुरा सर्वोच्चले गलत सावित गरेको छ। त्यसैले पार्टीले पनि तत्काल रवि लामिछानेविरुद्ध छानबिन गर्नुपर्छ। पासपोर्टको सबालमा पनि छानबिन गर्नुपर्छ। त्यसमा कहिल्यै चुनाव लड्न नमिल्ने कुरा पार्टीसँग सम्बन्धित भएकाले पार्टीको भविष्य जोडिएको छ। पार्टीलाई जोगाउनु पनि पर्नेछ,’ उनले भने।
प्रतिक्रिया लेख्नुहोस्:-