नयाँ सरकार गठनका लागि देउवा र ओलीले गरे हस्ताक्षर

काठमाडौं । नेपाली कांग्रेसका सभापति शेरबहादुर देउवाले र नेकपा एमालेका अध्यक्ष केपी शर्मा ओलीले नयाँ सरकार गठनका लागि आवश्यक कागजातमा हस्ताक्षर गरेका छन्।

केही समय अघि उनीहरूबीच हस्ताक्षर भएसँगै अब नयाँ सरकार गठनको आवश्यक प्रक्रिया अघि बढाउने तयारी भएको एमाले सांसद सूर्य थापाले जानकारी दिए।

आजै प्रधानमन्त्री पुष्पकमल दाहाल प्रचण्ड पदमुक्त भएसँगै नयाँ सरकार गठनका लागि बाटो खुला भएको थियो। नयाँ सरकार गठनका लागि आह्वान गर्न राष्ट्रपति रामचन्द्र पौडेलले आवश्यक परामर्शसमेत थालिसकेका छन्।