काठमाडौं । देशभर पछिल्लो २४ घन्टामा २०६ जना कोरोना संक्रमित थपिएका छन् । जम्मा ३१७५ नमूना परीक्षण गर्दा सो संख्यामा संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार आज २०८२ नमूनाको पीसीआर र १०९३ नमूनाको एन्टिजेन विधिबाट परीक्षण गरिएको थियो। जसमध्ये पीसीआरबाट १७७ जना र एन्टिजेनबाट २९ जनामा संक्रमण पुष्टि भएको हो।
कोरोनाबाट आज कसैको पनि मृत्यु नभएको मन्त्रालयले जनाएको छ। यसैबीच पछिल्लो २४ घण्टामा काठमाडौं जिल्लामा मात्रै १०० जना संक्रमित थपिएका छन ।
बुधबार थप ४५ जना कोरोनामुक्त भएका छन्। मन्त्रालयका अनुसार पछिल्लो २४ घन्टामा ६३ हजार ३८७ जनाले कोरोनाविरुद्धको खोप लगाएका छन्।
प्रतिक्रिया लेख्नुहोस्:-