७०.१८ अंकले बढ्यो नेप्से, कारोबार रकम कति ?

काठमाडौं । एमालेका उपाध्यक्ष विष्णु पौडेल अर्थमन्त्री भएसँगै शेयर बजार उच्च अंकले बढेको छ । आज नेप्से ७०.१८ अंकले बढेको हो ।

मंगलबार नेप्से ३.१३ प्रतिशतले बढेर २३१०.५९ विन्दुमा पुगेको छ ।

आज एकै दिन ९ अर्ब बढीको कारोबार भएको छ । आज ९ अर्ब १३ करोड ८६ लाख २९ हजार रुपैयाँ बराबरको २ करोड ५८ लाख ३६ हजार २८५ कित्ता शेयर किनबेच भएको छ ।

आज २३४ वटा कम्पनीको शेयर मूल्य बढ्दा ८ वटा कम्पनीको शेयर मूल्य भने घटेको छ ।