एक हजार आप्रवासीहरु पक्राउ

जाङ्बु शेर्पा, दूरबिन नेपाल, जुलाई २३

अनधिकृत रूपमा अमेरिका बसोबास गर्दै आएका, अपराधमा संलग्न भएका, अदालतले देश फर्कन आदेश दिइसकेका र लुकेर अमेरिका छिर्नेहरूलाई लक्षित गरेर पक्राउ, कारबाही र देश निकाला गर्ने क्रममा आइसिइले दुई सातामा ३५ जनालाई पक्राउ परेको जनाएको छ । आइसिइको तथ्याङ्क अनुसार मे देखि जुलाईसम्मको अवधिमा ९ सय ३४ जनालाई पक्राउ परिसकेका छन् । पक्राउ पर्नेहरू सबै आपराधिक पृष्ठभूमि भएको आइसिइले बताएको छ ।

आइसिइका कार्यकारी निर्देशक म्याथ्यू आल्वेनीले विभित्र अवरोधका कारणअभियानले सोचे अनुरूप गति लिन नसकेपनि पक्राउ अभियान भने जारी रहने बताए ।
आइसिले भने पक्राउ परेकाहरूलाई पेन्सिभेनिया र टेक्ससको पारिवारिक हिरासतमा पठाइने वताएपनि पक्राउ परेकाहरूलाई राखिएको हिरासत बारे भने खुलाएको छैन ।
राष्ट्रपति डोनाल्ड ट्रप्पले भने पक्राउ अभियान सफल भएको वताउदै ट्विट गरिसकेका छन् ।

ट्रम्प प्रशासन झन कठोर

आप्रावासीहरु प्रति अति नै अनुदार रहेका राष्ट्रपति डोनाल्ड ट्रम्पले अध्यागमन कानुनलाई कडा बनाउँदै आइसिई मार्फत पक्राउ अभियानलाई तीव्रता दिएका छन् । परिमार्जित कानुनले पक्राउ परेकाहरूले आफ्नो वकिल राख्ने र अदालतसम्म जाने बाटो समेत बन्द गरिदिएको छ । निर्वाचनको सँघारमा ट्रम्प प्रशासन आप्रावासिमाथि कठोररुपमा प्रस्तुत हुँदै गर्दा अमेरिकी सरकारले अदालतलाई छलेर अप्रावासीहरूलाई देश निकाला गर्न मिल्ने नयाँ नियम लागु गर्ने जनाएको छ ।

नयाँ नियम अन्तर्गत अमेरिकामा निरन्तर दुई वर्ष बसेको पुष्टि गर्न नसक्ने आप्रवासीहरूलाई तत्कालै उनीहरूको देशमा फर्काउन मिल्छ । अहिलेसम्म यस्तो नियम सिमानामा गिरफ्तार गरिएका र अमेरिकामा दुई हप्ताभन्दा कम बसोबास गरेका व्यक्तिहरूमा मात्रै लागु थियो ।

अमेरिकामा दुई हप्ताभन्दा कम समय बिताएका र सीमाको एक सय ६० किलोमिटर आसपासको दुरीमा पक्राउ गरिएका व्यक्तिहरूलाई तत्काल देश निकाला गर्न सकिने प्रावधान छ ।

अधिकारवादी संस्थाहरूले यो नियमले सयौँ मानिसहरू प्रभावित हुनसक्ने बताएका छन् । अमेरिकी सिभिल लिबर्टिज युनियनले यो नियमलाई अदालतमा चुनौती दिने बताएको छ ।

अन्यत्र फेला परेका आप्रवासीहरू र दुई हप्ताभन्दा बढी अमेरिकामा बसिसकेका व्यक्तिहरूबारे अदालती बाटोबाट निर्णय गर्नुपर्छ । त्यस्ता व्यक्तिले वकिल राख्न पाउँथे ।

तर नयाँ नियमले जहाँ पक्राउ परेको भए पनि वकिलसम्म पहुँच नदिइकनै उनीहरूलाई देश निकाला गर्न सकिनेछ । डिपार्टमेन्ट अफ होमल्याण्ड सेक्युरिटीले ठुलो सङ्ख्यामा रहेका गैरकानूनी आप्रवासीहरूलाई प्रभावकारी रूपमा नियन्त्रणमा लिन पछिल्लो व्यवस्थाले मद्दत गर्ने उल्लेख गरेको छ । यो कानुन लागु भएपछि अहिलेसम्म कुनै नेपाली पक्राउ परेको एकिन नभए पनि कुनै पनि समय आइसिइले २५ सय नेपाली अमेरिकामा पक्राउ पर्ने खतरा विद्यमान छ ।