देशभर थपिए ५७७ नयाँ कोरोना संक्रमित, दुईको मृत्यु

काठमाडौं । विगत केही दिनदेखि उकालो लागेको कोरोना संक्रमण झन् तीब्र गतिमा फैलिदै गएको छ । पछिल्लो २४ घण्टामा नेपालमा ५७७ जनामा संक्रमण देखिएको छ भने दुई जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार चार हजार २८२ स्वाब परीक्षण गर्दा ५७७ जनामा कोरोना पुष्टि भएको हो। आज दुई हजार ४७४ जनाको पीसीआर परीक्षण गर्दा ३९१ जनामा र एक हजार ८०८ जनाको एन्टिजन परीक्षण गर्दा १८६ जनामा कोरोना देखिएको हो।

त्यस्तै, कोरोना संक्रमणबाट पछिल्लो २४ घण्टामा दुई जनाको मृत्यु भएको छ। योसँगै कोरोनाबाट मृत्यु हुनेको संख्या ११ हजार ९६४ पुगेको छ।

शुक्रबार कोरोनाबाट २६९ जना निको भएका छन्। योसँगै सक्रिय संक्रमितको संख्या चार हजार ३५६ पुगेको छ।