अमेरिका । अमेरिकामा एक हप्तामा दुई नेपाली युवाको मृत्यु भएको छ । न्यु योर्कमा २८ वर्षीय नेपाली युवा विपिन लम्सालको जुलाई २७ तारिख मङ्गलवार मृत्यु भयो । अमेरिकाकै अर्को राज्य विसकनसिनमा २२ वर्षीय नेपाली युवा सृजन कुँवरको जुलाई २८ तारिख बुधवार मृत्यु भएको छ । दुवै युवा अचानक बेहोस भएपछि उपचारका लागि अस्पताल पुर्याइएको थियो । विपिन कामबाट घर फर्किएर रेष्टरुम प्रयोग गर्न गएको बेला र सृजन स्टोरमा काम गरिरहेको समयमा बेहोस भएका थिए । दुवै जनालाई अस्पतालले बचाउन सकेन ।
एनआरएनए अमेरिकाद्वारा जारी विज्ञप्ति अनुसार नेपालमा पर्वत घर भएका विपिन लम्साल २०१६ देखि अमेरिकामा वस्दैआएका थिए । काठमाडौँ दक्षिणकाली नेपाल घर भएका डी भी लोटरी विजेता सृजन कुँवर भने २०१९मा अमेरिका बस्दै आएका छन् ।
दुवै युवाको शवलाई नेपाल पठाउन गैर आवासीय नेपाली सङ्घ अमेरिकाले सबै पक्षसँग समन्वय गरिरहेको प्रवक्ता तोया दाहाल द्वारा जारी विज्ञप्तिमा उल्लेख छ । विपिन लम्सालको शव नेपाल फर्काउन एनआरएनए न्यु योर्क च्याप्टरले गोफण्डबाट १६ हजार डलर सङ्कलन गरिसकेको छ । एनआरएनए विसकनसिन च्याप्टरले सृजन कुँवरको शव नेपाल पठाउन आवश्यक पर्ने रकम सङ्कलन गर्न मङ्गलवार गो फण्ड सन्चालनमा ल्याएको छ । दुवै युवाको परिवारको अनुरोध अनुसार अध्यक्ष बुद्धि सागर सुवेदी अमेरिका स्थित नेपाली एम्बेसी, मेरिल्यान्ड राज्यका हाउस अफ डेलिगेट्स ह्यारी भण्डारी, न्यु योर्क र विसकनसिन च्याप्टरसँग समन्वय गर्दै शवलाई नेपाल पठाउन सक्रिय भएर लागि रहनु भएको छ ।
स्वर्गीय विपिन लम्साल र सृजन कुँवरको मृत्यु र सहयोगका सन्दर्भमा एनआरएनए अमेरिकाले जारी गरेको वक्तव्य यसै साथ संलग्न गरिएको छ ।
| प्रेस विज्ञप्ति
अमेरिकामा एक हप्तामा दुई नेपाली युवाको मृत्यु, शव नेपाल पठाउने तयारी
अमेरिकाको नेपाली समुदायका लागि एक पछि अर्को दुखद खबर थपिएको छ । न्यु योर्कमा २८ वर्षीय नेपाली युवा विपिन विपिन लम्सालको अचानक मृत्यु भएको एक दिन पछि नै अमेरिकाको विसकन्सिनमा २२ वर्षीय नेपाली युवा सृजन कुँवरको जुलाई २८ तारिख बुधवार मृत्यु भएको छ ।दुवै युवाको शवलाई नेपाल पठाउन गैर आवासीय नेपाली सङ्घ अमेरिकाले सबै पक्षसँग समन्वय गरिरहेको छ ।
विसकन्सिन स्थित नर्थ पिटर्स एभिन्यु फोन्डल्याक बस्दै आउनु भएका सृजन कुँवर काममा रहेको समयमा नै अचानक मुर्छित भएपछि उपचारका लागि प्रहरी र एम्बुलेन्स आएर नजिकैको बिएभर दम अस्पतालको आकस्मिक कक्षमा पुर्याएको थियो । सो अस्पतालले बिरामीको थप परीक्षण र उपचारका लागि अर्को ठुलो अस्पताल यूडब्लु म्याडेसन अस्पताल पठायो । त्यहाँ पनि कुँवरको उपचार सम्भव भएन ।अस्पतालले सृजन कुँवरलाई मृत घोषणा गर्यो ।
काठमाडौँ जिल्ला दक्षिणकाली ४ बासवारि जन्म घर भएका कुँवर मे १० तारिख २०१९ मा अमेरिका आउनु भएको हो ।डी भी लोटरीको माध्यमबाट दुई वर्ष अघि सुन्दर भविष्यको कल्पनामा अमेरिका आएका युवा सृजन कुँवरको २२ वर्षकै कलिलो उमेरमा असामयिक निधन भएको दुखद घटनाबाट एनआरएनए अमेरिका परिवार मर्माहत भएको छ ।उहाँको आत्माको चीर शान्तिको कामना गर्दछौँ । शोक सन्तप्त परिवारमा हार्दिक समवेदना ।
अहिले स्वर्गीय कुँवरको शव अस्पतालमा नै रहेको छ ।स्वर्गीय सृजनका बुवा कृष्णहरि कुँवरले छोराको शव नेपाल पठाइदिन एनआरएनए अमेरिका विसकन्सिन च्याप्टरलाई सहयोगको अनुरोध गर्नु भएको छ । परिवारको अनुरोध अनुसार अध्यक्ष बुद्धि सागर सुवेदीले अमेरिका स्थित नेपाली एम्बेसी, मेरिल्याण्ड राज्यका हाउस अफ डेलिगेट्स ह्यारी भण्डारी, विसकन्सिन च्याप्टरसँग समन्वय गर्दै शवलाई नेपाल पठाउन सक्रिय भएर लागि रहनु भएको छ ।
नेपाल पठाउन लाग्ने खर्च व्यवस्थापनका लागि एनआरएनए विसकनसिन च्याप्टरले गोफण्ड मार्फत सहयोगका लागि अपिल गरेको छ ।एनआरएनए विसकनसिन च्याप्टर अध्यक्ष दिपक थापाले दाताहरूलाई यसै साथ संलग्न गोफण्डको लिङ्कमा गएर सहयोग गरिदिनुहुन आग्रह गर्नु भएको छ ।
https://www.gofundme.com/f/requested-donations-for-funeral-services-of-SRIJAN?qid=1c3b699fa9fc0e51d5ed3e6e45abdaa7
तोया दाहाल
प्रवक्ता, गैर आवासीय नेपाली सङ्घ अमेरिका
मिति ०८–०३–२०२१
विपिन लम्साल
प्रेस विज्ञप्ति
युवाको शव नेपाल पठाउने तयारीअमेरिकाको न्यु योर्क स्थित ग्र्याण्ड एभिन्युमा बस्दै आउनु भएका २८ वर्षीय नेपाली युवा विपिन लम्सालको गत जुलाई २७ तारिख मङ्गलवार अचानक मृत्यु भएको छ । घरमा नै रहेको समयमा अचानक स्वास्थ्यमा समस्या देखिएपछि उपचारका लागि नजिकैको एलमस्ट अस्पताल पुर्याइएको थियो । केही समयमा नै अस्पतालले विपिन लम्साललाई मृत घोषणा गर्यो । पर्वत जिल्ला जन्म घर भएका लम्साल २०१६ मा अमेरिका आउनु भएको हो ।
सुन्दर भविष्यको कल्पनामा अमेरिका आएका युवा विपिन लम्सालको २८ वर्षकै उमेरमा असामयिक निधन भएको दुखद घटनाबाट एनआरएनए अमेरिका परिवार मर्माहत भएको छ । उहाँको आत्माको चीर शान्तिको कामना गदछौं । शोक सन्तप्त परिवारमा हार्दिक समवेदना ।
अहिले स्वर्गीय लम्सालको शव अस्पतालमा नै रहेको छ । विपिनका बुवा पोशराज लम्सालले छोराको शव नेपाल पठाई दिन एनआरएनए अमेरिका न्यु योर्क च्याप्टरलाई अनुरोध गर्नु भएको छ । परिवारको अनुरोध अनुसार अध्यक्ष बुद्धि सागर सुवेदीले अमेरिका स्थित नेपाली एम्बेसी, मेरिल्यान्ड राज्यका हाउस अफ डेलिगेट्स ह्यारी भण्डारी, न्यु योर्क च्याप्टरसँग समन्वय गर्दै शवलाई नेपाल पठाउन सक्रिय भएर लागि रहनु भएको छ ।
नेपाल पठाउन लाग्ने खर्च व्यवस्थापनका लागि एनआरएनए न्यु योर्क च्याप्टरले गोफण्ड मार्फत सहयोगका लागि अपिल गरेको छ । एनआरएनए न्यु योर्क च्याप्टर अध्यक्ष आङछिरिङ शेर्पाले दाताहरूलाई यसै साथ संलग्न गोफण्डको लिङ्कमा गएर सहयोग गरिदिनुहुन आग्रह गर्नु भएको छ ।
https://www.gofundme.com/f/funeral-for-late-bipin-lamsal?utm_source=facebook&utm_medium=social&utm_campaign=p_cp+share-sheet&fbclid=IwAR13T6eMmZojZts2oKKMlXa7OLYvrd8AXe3_EYpO6vE0UIhJ6Z1199t2tQM
तोया दाहाल
प्रवक्ता, गैर आवासीय नेपाली सङ्घ अमेरिका
मिति ०७–३१–२०२१ |
|
|
|
प्रतिक्रिया लेख्नुहोस्:-