काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अहिले आफ्नो पार्टीको प्राथमिकता संगठन निर्माणमा रहेको बताएका छन् ।
पूर्व प्रधानमन्त्री उनले सोमबार कास्कीको पोखरामा यही भदौ ९ गतेदेखि सुरु पार्टीको गण्डकी प्रदेशस्तरीय परामर्श बैठकको समापनमा जनतामा जान र नयाँ विचारको विकासमा लाग्न पार्टीका नेता–कार्यकर्तालाई निर्देशन दिए ।
“हामी सरकारको जोडघटाउमा लाग्ने होइन, अरूले हामीलाई खोज्दै आउने स्थिति हुनसक्छ । अबको कार्यभार पार्टी र विचारको विकास गर्ने गरी लाग्ने हो,” उनले भने ।
अध्यक्ष प्रचण्डले माओवादी केन्द्र अहिले पनि देशको महत्त्वपूर्ण शक्ति रहेको उल्लेख गरे । राष्ट्रिय स्वाधीनता र हालका उपलब्धिको रक्षा अरू पार्टीबाट सम्भव नरहेको उनले जिकिर गरे ।
प्रतिक्रिया लेख्नुहोस्:-