लस एन्जलसमा क्वाँटी खाई “गुन्हुँपुन्ही” पूजा मनाइयो

अमेरिका, लस एन्जलस, २६ अगस्ट / नेवा: अर्गनाइजेशन साउदर्न क्यालिफोर्निया च्याप्टरले आइतबार क्वाँटी खाई “गुन्हुँपुन्ही” पूजा मनाएको छ । स्थानीय सेरिटोस शहरको हेरिटेज पार्कमा आयोजना गरेको कार्यक्रममा लस एन्जल्सबासीको उपस्थिति रहेको थियो ।
विभिन्न किसिमको आवाजबाट वर्षा तथा खेतिगर्ने सिजनको जानकारी गराउने भ्यागुतोले गठेमंगलका दिन नरभक्षि घण्टासुरलाई बाटो भुलाई ढापमा जाकिदिएकोले नेवार समुदायका मानिसहरूले भ्यागुतोको पूजा गर्ने र खाना ख्वाउने प्रचलन रहिआएको छ । यस दिन मास, भटमास, मुग, ठुलो केराउ, सानो केराउ, चना, सिमी,गुराँस र बोडी गरी नौ थरी गेडागुडी भिजाई टुसो उम्रेपछि क्वाँटी बनाई खाने र आफन्तलाई पनि ख्वाउने प्रचलन रही आएको छ । यसरी बनाएको ‘क्वाँटी’ खानाले शरीरमा रोग नलाग्ने, पेट सफा हुने र वर्षाका कारण चिसो भएको शरीरमा तापसंचार हुने र कुनै रोग नलाग्ने धार्मिक विश्वास रही आएको छ ।