काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले उत्कृष्ट काम गरेर उज्यालो नेपाल बनाएका प्राधिकरणका कार्यकारी निर्देशक कुलमान घिसिङलाई नभई प्रधानमन्त्री केपी शर्मा ओलीलाई नै प्रष्टीकरण सोध्नुपर्ने बताएका छन् ।
उनले मंगलबारको प्रतिनिधिसभाको बैठकमा बोल्दै यस्तो धारणा राखेका हुन् । उनले भने “प्राधिकरणको रक्षा तपाईंको जिम्मेवारी हो कि होइन रु माफियाको पक्षमा लाग्दा संकोच लाग्दैन रु यसमा प्राधिकरणको नेतृत्वलाई होइन प्रधानमन्त्रीलाई नै स्पष्टीकरण सोध्न चाहन्छु ।”
“कतैबाट नभएपछि प्रधानमन्त्री फेसबुकबाट प्रकट हुनुभएको छ,” उनले भने, “२२ अर्बको कुरा नोट गरियोस् । प्रधानमन्त्रीको नियत सही छ भने क्याबिनेटबाट पास होस् २२ अर्बको प्रस्ताव ।”
प्रतिक्रिया लेख्नुहोस्:-