काठमाडौं । तरुण दलले नेपाली कांग्रेसका सहमहामन्त्री महेन्द्र यादवमाथि भएको आक्रमणप्रति सरकारप्रति आक्रोश पोखेको छ ।
बुधबार तरुण दलका अध्यक्ष विद्वान गुरुङले विज्ञप्ति निकालेर यस्ता घटनाक्रमप्रति चुप लागेर बस्न नसकिने बताएका छन् ।
‘दोषी नै नभएको व्यक्तिलाई पक्राउ गर्न अघि सर्ने नेपाल प्रहरी दिउँसै हात हतियारसहित हिँडडुल गर्ने व्यक्ति चिन्न नसक्ने रु’ उनले प्रश्न गर्दै भने, ‘यस्ता कार्यको अब नेपाल तरुण दल चुप लागेर सहेर बस्न सक्दैन ।’ उनले गृहमन्त्रीकोे राजीनामा दिन माग गरेका छन् ।
नेपाली कांग्रेसका प्रभावशाली नेताहरुलाई छानी छानी आक्रमण गर्ने कार्य भएको तरुण दलले जनाएको छ । भृकुटीमण्डपमा रहेको रिपोर्टर्स क्लबमा भएको कार्यक्रममा सहभागी भएर फर्कदा उनलाई नुवाकोटको विदुर नगरपालिका तुप्चे घर भई बालाजुको पैंयुटार बस्ने ४७ वर्षका श्यामबहादुर सापकोटाले खुकुरी प्रहार गरेका थिए ।
प्रतिक्रिया लेख्नुहोस्:-