चुनावसँग जोडेर हेर्नुहुँदैन : जोशी

दूरबिन नेपाल

अमेरिका ।

   गैह्र आवासीय नेपाली संघलाई आर्थिक संकटबाट पार लगाउन अध्यक्ष भवन भट्टले सहयोगका लागि आह्वान गरेको केही समयमा नै उत्तर अमेरिका क्षेत्रीय संयोजक गौरि जोशीले एक करोड रुपैयाँ संस्थाको खातामा दाखिला गरेका छन् । दूरबिन नेपालसँग कुरा गर्दै जोशीले भने “नियमित खर्च र निर्वाचन गराउन चाहिने ठुलो रकम जुटाउन अध्यक्ष भट्टले सहयोग माग गर्नु भएपछि मैले एक करोड रुपैयाँ दाखिला गरिदिएको हुँ । निर्वाचनमा सहानुभूति जित्नका लागि मैले सहयोग गरेको होइन ।”

संस्थालाई आर्थिक रूपमा बलियो बनाउन सबैले सहयोग गर्ने जोशीको विश्वास छ । जोशीले भने “हामीले मात्र होइन अध्यक्ष भव भट्ट, उपाध्यक्ष कुल आचार्य लगायत धेरैले सहयोग गर्दै हुनुहुन्छ । यो सहयोगलाई निर्वाचनसँग जोडेर हेर्नु हुँदैन ।”

उपाध्यक्ष कुमार पन्तले पनि संस्थालाई एक करोड सहयोग गरेको सार्वजनिक भइसकेको छ ।
सामाजिक काम र आपद बिपदमा अमेरिका र नेपाल भित्र सहयोग गर्ने मनकारी दाताको रूपमा गौरि जोशीको नाम परिचित छ । जोशी सूचना प्रविधिसँग सम्बन्धित व्यवसायी हुन् ।