काठमांडौं । नेपाल सरकारले गैर आवासीय नेपाली सङ्घ अन्तर्राष्ट्रिय समन्वय परिषद् आइसीसीलाई दसौँ अधिवेशन र निर्वाचनका लागि भइरहेका कामहरू तत्काल रोक्न पत्र पठाएको छ । पत्रमा निर्वाचनसँग सम्बन्धित काम कारबाहीको विषयमा सोधिएको पत्रको जवाफ चित्त बुझ्दो नआएको भन्दै सरकारले भदौ २५ गते अनुगमन समिति गठन गरेको पत्रमा उल्लेख छ । परराष्ट्र मन्त्रालय, सञ्चार मन्त्रालय र न्याय तथा कानुन मन्त्रालयका प्रतिनिधि रहेको अनुगमन समितिको प्रतिवेदन नआउँदासम्म निर्वाचनसँग सम्बन्धित बाकी प्रक्रिया स्थगित गर्न भनिएको छ ।
नेपाल सरकारले गैर आवासीय नेपाली सङ्घ अन्तर्राष्ट्रिय समन्वय परिषद् आइसिसीको अनुगमन गर्न सक्ने, गल्ती कमजोरी सच्याउन समय र निर्देशन दिन सक्ने कानुनी व्यवस्था रहेको छ ।
प्रतिक्रिया लेख्नुहोस्:-