काठमाडौं । यो साता निरन्तर ओराले लागेको शेयर बजार साताको अन्तिम कारोबार दिन विहीबार भने उच्च अंकले बढेको छ ।
आज नेप्से परिसूचक ७८.१७ अंकले बढेर २६८८.३८ विन्दुमा पुगेको छ।
आज ३१८ स्क्रिप्सको १ करोड ९४ लाख ३३ हजार १५४ कित्ता सेयर ८ अर्ब १६ करोड ९२ लाख ७४ हजार ६१२ रुपैयाँमा खरिदबिक्री भए। बुधबार ६ अर्बमाथिको सेयर कारोबार भएको थियो।
आज पाँचवटा कम्पनीको सेयर सकारात्मक सर्किट लेभलमा कारोबार भयो। वि नेपाल लघुवित्त वित्तीय संस्था,ग्रीन भेन्चर्स,इस्टर्न हाइड्रोपावर, रवा इनर्जी डेभलपमेन्ट र एसियन हाइड्रोपावरको सेयर १० प्रतिशतले बढेको हो।
कारोबार रकमका आधारमा सीईडीबी हाइड्रोपावर शीर्ष स्थानमा रह्यो। सो कम्पनीको ४७ करोड मूल्य बराबरको सेयर कारोबार भयो।
प्रतिक्रिया लेख्नुहोस्:-