लस एन्जलसमा इन्द्र जात्रा मनाइँदै

अमेरिका, १६ सेप्टेम्बर/ नेवा: अर्गनाइजेसन साउदर्न क्यालिफोर्निया च्याप्टरले आगामी सेप्टेम्बर २४ तारिख सोमबार इन्द्र जात्रा (येँया पुन्हि) मनाउन लागेको छ । यो पर्व काठमाडौँ लगायत ललितपुर, भक्तपुर, दोलखा, धुलिखेललगायतका स्थानमा वर्षा र सहकालका देवता इन्द्रको पूजा-आराधना गरी परम्परागत रूपमा नेवारहरूले मनाउने जात्रा हो। जात्राको अवसरमा विदेशीहरू माझ समेत आकर्षक खानाको रूपमा रहेको समय बजि खाने गरिन्छ । यो नेवारी समुदायको पारम्परिक परिकार हो । इन्द्र जात्रा भाद्र शुक्ल द्वादशीका दिन हनुमानढोकाअगाडि धार्मिक विधिपूर्वक इन्द्रध्वजासहितको लिङ्गो ठडयाइएपछि प्रारम्भ हुन्छ । इन्त्रजात्राको प्रमुख कार्य नै लिङ्गो वा ध्वजाको स्थापना हो। समय बजिको नेवारी शाब्दिक अर्थ नास्ताको रूपमा खाने चिउराको परिकार हुन्छ ।
प्रवासमा आफ्नो संस्कृतिलाई निरन्तरता दिने उद्देश्य अनुरूप म्ह: पूजा, यमरी पूजा लगायतका कार्यहरू समेत वार्षिक रूपमा गर्दै आइरहेको छ ।