काठमाडौं । नेपाली कांग्रेसका महामन्त्री गगनकुमार थापाले महामारीकै रुपमा फैलिइरहेको डेंगी नियन्त्रणका लागि सरकारले प्रभावकारी काम गर्र्न नसकेको गुनासो गरेका छन्।
उनले मंगलबार नेपाल चिकित्सक संघको दोस्रो राष्ट्रिय सम्मेलनमा बोल्दै कोभिडको महामारीबाट सरकारले केही नसिकेको टिप्पणी गरेका छन्। केन्द्रीय मात्रै नभई स्थानीय सरकारले समेत डेंगी नियन्त्रणका लागि प्राथमिकता दिन नसकेको बताए।
उनका अनुसार काठमाडौंमा सिमित रहेको डेंगी रोग देशभर फैंलिने क्रममा रहेको उल्लेख गर्दै महामन्त्री थापाले त्यसको नियन्त्रणका लागि तीन वटै तहका सरकारले गम्भिरतापूर्वक काम गर्नुपर्ने बताए।
‘कोभिडबाट अहिले डेंगीको बेलामा आउँदाखेरी खासै धेरै कुराहरू सिक्न सकेनौं। यत्रो ठूलो प्रकोपको रुपमा आइसकेपछि यो खाली स्वास्थ्य मन्त्रालयको मात्रै विषय होइन। हामीसँग रातारात आपतकालीन समयमा काम गर्ने संरचनाहरू छ कि छैनरु,’ उनले सोधे, ‘यो काठमाडौंमा मात्रै सिमित भएको कुरा देशभर फैल्ने क्रममा जुन छ। कोभिडबाट सिकेर सरकारले आवश्यक तयारी नगरेको देखियो।’
प्रतिक्रिया लेख्नुहोस्:-